په افغانستان کی د امریکا اردو وایی داسی ښکاری چی د طالبانو په مشرتابه کی ماته راغلې وی . امریکایی نطا ق جگړن سکاټ نیلسن ددې هفتې د خبری رپوټونو په اساس وویل چی یوې ناراضي ډلي چی جیش مسلمین یا اسلامی پوځ نومیږی ځان بېل کړی دی . هغه وایی دا یوه خاصه پېښه ده او ښئی چی په طالبانو کی بېلوالی را غلی دی . نطاق وویل اردو اوس هم په دې باب معلومات کوی چی دا انشعاب به په افغانستان کی په امریکایی قواو باندی د اسلامی مبارزینو په حملو څومره تاثیر واچوی . د طالبانو جنگیالي په دې وروستیو وختو کی په خارجی عسکرو ، حکومتی مامورینو او د مرستو رسولو په کارکونکو باندی حملې کوی هغوی دا هوډ کړی چی د جمهوری ریاست انتخابات به چی د اکتوبر په نهمه کیدونکي دي گډ وډ کړی .
