د افغانستان د پخواني صدر او د حکومت د امن د شورا مشر استاز برهان الدین رباني د وژنې د تحقیقاتو د پاره د لوړ رتبه افغان چارواکو یوه ډله پاکستان ته رسیدلې ده.
د پاکستان سرښار اسلام آباد کښې سفارتکارانو وائس اف امریکا ته وئیلې د افغانستان نهه کسیزه ډله به پاکستان کښې دوه ورځې تیروي او د برهان الدین رباني د وژنې په حقله افغانستان کې شوې تحقیقاتو نتائج به د پاکستاني چارواکو سره شریکوي.
افغان ډله کې د دفاع او د کورنو چارو د وزارتونو چارواکې شامل دي
رباني افغان صدر حامد کرزۍ طالبانو او د حکومت نورو مخالفینو سره د خبرو اترو د پاره د امن د عالي شورا مشر ټاکلی وو خو د سپټمبر د میاشت په ٢٠ مه نیټه هغه په خپل کور کښې په یوه ځانمرگي حمله کې اووژلی شو. په هغه حمله یو داسې کس کړې وه چې ځان يي د طالبانو د استازي په توگه معارفي کړې وو. حمله کونکې چاؤدیدونکې مواد په خپل پټکې یا دستار کښې پټ کړې وو.
افغان چارواکې وائي په رباني د حملې منصوبه سازي په پاکستان کښې شوې وه ځانمرگه حمله کونکی هم پاکستاني شهري وو. د افغانستان د استخباراتو ادارې وئیلي په دې لړې کې شواهد يي پاکستان ته ورکړې دي خو افغان چارواکې زیاتوي پاکستان د تحقیقاتو په لړ کښې ورسره مرسته نه کوي.
پاکستان د رباني په وژنه کښې د لاس لرلو الزامات ردوي.
د گل په ورځ افغان صدراتي ترجمان ایمل فیضي کابل کې خبرنگارانو ته وئیلې وو ترکې کښې د افغانستان، پاکستان او د ترکي د مشرانو د لیده کاته ورستو پاکستان افغانستان ته اجازه ورکړه چې افغان تحقیقاتي ډله دې د پاکستان سفر اوکي.