افغان چارواکي وایي د وسله والو طالبانو په بریدنو کې په تېرو دوو اوونیو کې 89 ملکې وګړي وژل شوي او 150 نور د افغانستان په بیلا یبلو ایالاتونو کې ژوبل شوي دي.
طالبانو په یوه خپور کړل شوي بیانیه کې د افغان حکومت ادعا رد کړی ده او او دا خبر یې پروپیګنډا ګرځولی دی.
د افغانستان د ملي امنیت شورا ویاند جاوید فیصل د خالي – شنبې په ورځ په خپل ټوئټر پاڼه لیکلي: ”پداسې حال کې چې حکومت د سولې مقصد پرمختګ ته دوام ورکوي ، طالبانو د اختر په موقعه او ورپسې اونۍ کې د افغان ولس په وړاندې د تاوتریخوالي کمپاین ته دوام ورکړی. په تیرو دوو اونیو کې ، دوی په 29 ایالتونو کې 89 ملکي وګړي وژلي او 150 تنه یې ټپیان کړي دي. “
While the Government has continued to advance the cause of peace, the Taliban continued their campaign of violence against the Afghan people during Eid and the weeks after that. In the last two weeks, they killed 89 civilians and wounded 150 across 29 provinces. pic.twitter.com/vGoyBq9vqJ
— Javid Faisal (@Javidfaisal) June 13, 2020
جاوید فیصل د خالي – شنبې په ورځ په کابل کې خبریالانو ته وویل چې د دغه تلفات د هیواد په 34 ولایتونو کې په 29 کې شوي او کابل او کندهار د نورو ولایتونو په پرتله ډیر تلفات لیدلي.
د ملي امنیت د شورا د ویاند د ادعا له مخې ملکي خلکو ته دا شمېر تلفات د سړک د غاړې د ماینونو په چاودنو او د طالبانو په مخامخ جګړو کې پیښ شوي دي.
وسله والو طالبانو او افغان امنیتي ځواکونو تیره میاشت د کوچني اختر په موقعه درې ورځنی اوربند وکړو او په عمومي ډول له هغه وروسته په ټول افغانستان کې تاوتریخوالی راکم کړ تر څو د سولې خبرو ته لاره هواره کړي.
د ملي امنیت شورا ویاند جاوید فیصل وایي: " ملکي تلفات په داسې حال کې پیښ شوي چې د تیر په پرتله په افغانستان کې د سولې د ټینګیدو لپاره هڅې زیاتې شوي دي او د موافقې له مخې باید مسلمان وژنه او افغان وژنه پای ته ورسیږي".
په افغانستان کې د ښکیلو غاړو ترمنځ په نښتو کې اکثره ملکي وګړو ته مرګ ژوبله اوړي.
افغانستان لپاره د ملګرو ملتونو د مرستندویه پلاوي "یوناما" د 2020 کال د لومړیو دریو میاشتو په راپور کې د لومړیو دریو میاشتو د ملکي تلفاتو د 55 فیصده مسولیت پر طالبانو اچول شوی او د 32 فیصدو مسولیت په افغان حکومت ځواکونو اچول شوی دی.
د ملي امنیت شورا د ملکي تلفاتو په اړه دا څرګندونې په داسې حال کې کړي چې تیره ورځ د جمعې د لمانځه پر مهال د کابل د شیرشاه سوري په جومات کې د ماین د چاودنې له امله د دغه جومات امام او خطیب مولوي عزیزالله مفلح د درې نورو لمونځ کوونکو سره ووژل شو او نهه تنه نور ژول شول.
تراوسه د دغه برید مسولیت کومې ډلې په غاړه نه دی اخیستی.
دا په یوولسو ورځو کې دویم بمي برید دی چې د کابل په جوماتونو کې کېږي، د جون پر ۲مه هم د کابل په وزیراکبر خان جومات کې چاودنې د مسجد امام مولوي محمد ایاز نیازی او یو لمونځ کوونکی وژلي او دوه یې ټپیان کړي وو چې ذمه واري یې داعش ډلې منلې وه.
یادونه: د خبر ځینې برخه د وي او اې اشنا نه اخستل شوی