په غیرقانوني توګه د پېسو لیګلو رالیګلو (مني لانډرنګ) مخنیوي او د ترهګرو ډلو د مالي مرستو د تړلو نړیوالې ادارې اېف ای ټي اېف ډله به نن په اسلام اباد کې د پاکستاني چارواکو سره د پاکستان حکومت لخوا پورته کړل شوي ګامونو جاج اخلي. په دغه سفر کې به دا فیصله کیږي چې د پاکستان نامه د خړ فهرست نه تور فهرست (بلیک لسټ)ته ځي او که نه، د مې میاشتې پورې بیرته هم په خړ نوملړ کې پاتې کیږي.
یاده ډله به د دریو ورځو پورې د پاکستاني چارواکو سره د ترهګرو ډلو د مالي مرستو د تړلو، د ترهګرو ډلو پرضد پورته شوي ګامونو او د ادارې لخوا پاکستان ته ورکړل شوي ۲۷ ګامونو په اړه د چارواکو نه پوښتنې کوي.
اسلام اباد کې مېشت اقتصاد پوهه مهتاب حیدر وي او ای ډیوه ته وايي د پاکستاني چارواکو لپاره اسلام اباد ته راغلې ډلې مطمین کول یو لوې چیلنج دی. نوموړی وايي ٫٫ ریشتیا خبره دا ده چې د پاکستان امنیتي ادارې به اوس دا ښايي چې دوي د پاکستان دننه د ترهګرو او بندیز لګیدلې تندروه ډلوپرضد عملي ګامونه پورته کوي او ورته سزا هم ورکړي.٬٬
مهتاب حیدر زیاتوي که پاکستان دغه ګامونه په عملي توګه پورته نه کړل نو بیا د پاکستان نامه په تور فهرست یا نوملړ (بلیک لسټ) کې اچول کیدی شي چې ورسره به پاکستان د نورو سختو اقتصادي چلینجونو سره مخ شي.
د مهتاب حیدر ترمخه که چرې د پاکستان نامه په بلیک لسټ کې اچول کیږي نو د وړاندې نه خراب اقتصاد کې به د پاکستان اولس د نورو سختو سره مخ شي.
اېف ای ټي اېف د مخکې نه پاکستان په خړ نوملړ کې اچولی. او ویره ده که پاکستان د دغه نړیوالې ادارې سپارښتنې عملي نه کړي نو کېدی شي پاکستان په تور لسټ کې واچول شي.
اقتصادي کارپوهان وايي د اېف ای ټي اېف نه په خړ لسټ او نه هم په تور لسټ کې نوم د یو هېواد لپاره په نړیواله توګه ښه خبره ده. که یو هېواد په تور لسټ کې شامل شي نو د نورو هېوادونو یا ادارو نه قرضونه اخستل ګران شي او اقتصادي باورتیا يې کمه شي.
د پاکستان ټوډی ورځپاڼې د رپورټ تر مخه د اېف ای ټي اېف د اسیا هیوادونو لپاره ذیلي ادارې اېشیا فیسفک ګروپ ( ای پي جي) په دغه ډله کې د امریکا، سکاټ لېنډیاډ، انډونیشیا، چین او ترکي چارواکي شامل دي.
دغه ډله به په دریو ورځو کې د پاکستان حکومتي بنک (سټیټ بنک) د خارجه او کورنیو چارو وزارتونو د چارواکو، د ترهګرۍ پرضد جوړې قامي ادارې او امنیت ساتونکو چارواکو تر څنګ د سیکورټي اېنډ ایکسچینج کمېشن او الیکشن کمېشن د چارواکو سره هم لیده کاته کوي.
تیره میاشت (فرورۍ ۱۸-۲۲) اېف ای ټي اېف د پاکستاني چارواکو لخوا د اخستل شوو ګامونو جاج اخستو وروسته ویلي وو، پاکستان د داعش، القاعده، جماعت الدعوه، فلاح انسانیت، جېش محمد، حقاني نېټ ورک او د طالبانو ځینو کسانو سره د غیر قانوني مرستو په اړه موجودو خطرو پوهه نه لري.
اېف ای ټي اېف ویلي وو د روان کال د جنورۍ د میاشتې پورۍ پاکستان د دغه مرستو تړلو لپاره ناکافي کوششونه کړي دي. او پاکستان ته يې ویلي وو چې د می میاشتې پورې دې د ترهګرو ډلو د مالي مرستو تړلو لپاره چټک او پوره ګامونه واخلي.
اېف ای ټي اېف د پاکستان نه څه غواړي؟
د نړیوالې ادارې فاېننشل اېکشن ټاسک فورسلخوا د فرورۍ په ۲۲مه خپور شوي بیان کې د پاکستان نه یو وارې بیا د یو شمیر ګامونو اخستلو غوښتنه شوې ده. په دغه غوښتنو کې ځېنې په لاندیني ډول وې.
- پاکستان له به د ټاسک فورس لخوا ټاکل شوي خطرونو(چې د ترهګرو ډلو لخوا موجود دي) ځان پوهول، دغه خطرونو ته کتل او د دغې مخنیوی کول وي.
- پاکستان له به دا خبره عملي کول وي چې د هیواد دننه ۱۲۶۷ او ۱۳۷۳ ترهګرو او تندروه ډلو ماليسرچینې وتړي او هغه کسان یا ډلې چې د دغو لپاره کار کوي، دوي له چندې یا پېسې راټولوي دغه هر څه به په ډاګه کوياو دوي به د نقدو او جاېدادونو نه کنګالوي.
- او دا به هم ښايي چې د کومو خلکو نه جاېدادونه اخستی شوي دي یا يې پرضد ګامونه اخستل شوي دي، هغوي به رېښتیا هم د خپلو اساسو او وسیلو د کارولو نه محروم پاتې وي.
- پاکستان به دا هم ښايي چې په هیواد کې اړونده حکومتي چارواکي په غیر قانوني توګه د پېسو لیګلو رالیګو یا مني لانډرنګ پرضد ګامونه اخلي او د نورو چارواکو او ادارو سره په دغه لړ کې مرستې هم کوي.
- پاکستان به دا باور ورکوي چې حکومتي چارواکي به د نقدو پېسو وړونکي راوړونکي په ګوته کوي او هم دغه شان به د غیر قانونيپېسو حرکت هم ودروي، چې ورسره به د دغې سره تړلې خطرونه په نخښه کیږي.
- په هیواد کې به د مني لانډرنګ مخنیوي لپاره کارکونکو ادارو تر منځه رابطې ښې کول وي په خاصه توګه د صوبايي او مرکزي حکومتي ادارو تر منځه.
- پاکستان به د هیواد دننه قانون عملي کونکې ادارې دومره قوي کوي چې دوي د پېسو په غیرقانوني کاروبار کې ککړ کسان او ادارې معلومې کړي، ترې پلټنې وکړي او بیا يې عدالتونه ته هم وړاندې کړي چې سزا ورکړل شي.
- پاکستان له به دا یقیني کول وي چې د ټاسک فورس لخوا اخستل شوي ګامونو نتیجې اثر لرونکې یا موثره او توله وي. سره د دې به په هیواد کې د قاضیانو او عدالتونو کار ښه کوي او د دوي مرستې کول وي چې د ټاسک فورس فیصلې عملي شي.
اېف ای ټي اېف د ۳۷ غړو هېوادونو سازمان دی چې په غېر قانوني توګه د پېسو لېن دېن (مني لانډرنګ) او ترهګرۍ سره اړونده مالي مرستو د مخنيوي او نړيوال مالياتي نظام ته په دې لړ کې د ورپېښو خطرو څخه بچ کولو دپاره په ۱۹۸۹ کې جوړه کړی شوی وو.