د اسرایل د خارجه وزارت یو چارواکي ویلي د فلسطین په مسله پاکستان د منافقت نه کار اخلي، د ښیښې په محل کې ژوند کوي او په منځني خیتځ کې یوازني جمهوري ملک، اسرایل، ته د انساني حقونو سبق ورکوي.
د اسرایل د خارجه وزارت ډرېکټر جنرل اېلون اوشپيز د پاکستان په دریځ دغه تنقید د زیارت، پنجشنبې، په ورځ د ملګرو ملتونو د انساني حقونو په کاونسل کې د اسرایل په ضد د قرارداد د منظورېدو نه پس وکړو.
Human rights "champion" Pakistan, practically living in a palace of glass, is currently preaching to the only democracy in the Middle East as part of the @UN_HRC special session. Hypocrisy at its best. https://t.co/aByazt4QFc https://t.co/V2nZQA1yd2
— Alon Ushpiz (@AlonUshpiz) May 27, 2021
پاکستان او یو شمېر نورو ملکونو د قرارداد حمایت وکړو.
اېلون شوپیز په ټوېټر خپل پېغام کې وویل د انسانی حقونو "چېميین" یا علمبردار "پاکستان چې په عملي توګه د ښيښې په محل کې اوسي د ملګرو ملتونو د انساني حقونو د کاونسل د خصوصي غونډې په لړ کې په منځني خیتځ کې یوازني حمهوریت ته سبق ورکوي. بهترین منافقت."
Human rights "champion" Pakistan, practically living in a palace of glass, is currently preaching to the only democracy in the Middle East as part of the @UN_HRC special session. Hypocrisy at its best. https://t.co/aByazt4QFc https://t.co/V2nZQA1yd2
— Alon Ushpiz (@AlonUshpiz) May 27, 2021
اسرایلي سفارتکار د خپل ټویټ سره په نړیواله کچه د مذهبي ازادۍ په اړه د کال ۲۰۲۱ دپاره د امریکې د خارجه وزارت د رپورټ لنک هم شریک کړی دی چې پکې په پاکستان کې د مذهبي اقلیتونو په حالاتو د تشویش څرګندونه شوي ده.
د وي او ای اردو څانګې ترمخه د ملګرو ملتونو د انساني حقونو کونسل ته خپله وېنا کې د پاکستان خارجه وزیر شاه محمود قرېشي وویل هېواد به یې په ملګرو ملتونو کې د سیمه ایز ثبات او د انساني حقونو حمایت جاري ساتي. هغه وویل پاکستان د فلسطینیانو د بنیادي حقونو او د خپلواکۍ ملاتړ کوي.د پاکستان خارجه وزارت د ملګرو ملتونو په کاونسل کې د اسرایل ضد قرارداد د منظورېدو هرکلی وکړو.
Resolution on grave violations of international law & HR by Israel a just development in support of #Palestine @mzvcr @lidovky @halonoviny @TlapaMar https://t.co/LZktXHKyIN
— Pakistan Embassy Czech Republic (@PakinCzechRep) May 28, 2021
په جنیوا کې د اسرایل استازو د قرارداد مخالفت کړی او ویلي یې وو چې پکې نه خو د حماس او نه هم د هغه زرګونو راکټونو ذکر شوی و چې حماس په اسرایل ورولي وو.
د یو شمېر نورو ملکونو په رنګ پاکستان اسرایل نه دی تسلیم کړی او نه هم ورسر سفارتي تعلقات لري خو د وي او ای اردو څانګه په خپل رپورټ کې وايي دا لومړی ځل دی چې یو اسرایلي سفارتکار په پاکستان په عام ځای کې نیوکې کړي دي.