د امریکې د کانګرس غړو په اوکراین د روسيې د ولسمشر ولادمیر پوتین د حملې غندنه وکړه او د امریکې صدر جوبایډن نه یې غوښتنه وکړه چې په بېړنۍ توګه دې په اړه اقدامات وکړي.
د امریکې د سېنېټ د خارجه چارو کمېټۍ مشر باب مېنېنډز په یو بیان کې وویل چې تاریخ به ثابتوي چې پوتین په اوکراین د یرغل فېصله د ویرې په بنیاد کړې ده.
هغه ووېل اوکراین جمهوریت او ازادي غوښتله او روس د دې نه ویره لرله.
د امریکې صدر جوبایډن هم د روسيې د ګام غندنه کړې او ژمنه یې کړې چې د روسیې په ضد به سخت اقتصادي پابندې لګوي.
د امریکې ترڅنګ د یورپي ملکونو د روس غندنه کړي خو اېسوسي اېټېډپرېس خبري ادارې ویلي چین د روس د غندنې نه ډډه کړې.
ای پي وايي د چین د خارجه وزارت ترجمان (ترجمانې) وویل چین په ټولو اړونده فریقېنو غږ کوي چې د امنیت په اړه د یو بل د تشویش احترام دې وکړي.
د اېسوسي اېټېډ پرېس خبري ادارې ترمخه چین یوازنی ملک دی چې د روس غندنه یې نه ده کړې بلکې په امریکې یې د صورتحال د خرابولو الزام پورې کړی دی.
ای پي وايي د چین د خارجه وزارت ترجمان (ترجمانې) وویل چین په ټولو اړونده فریقېنو غږ کوي چې د امنیت په اړه د یو بل د تشویش احترام دې وکړي.د چین خارجه وزارت وویل ټول فریقېن باید د امن دپاره کوښښونه وکړه او د جنګ او تاوتریخوالي د زیاتولو نه دې ډډه وکړي. ای پي وايي چین دا ژبه د دې الزام لګولو دپاره استعمالوي چې مغربي ملکونو تاوتریخوالي ته لمن وهي.
د روس صدر ولادمیر پوتین چې د زيارت/ پنجشنې په سهار د یوکرېن په ختيځ کې د پوځي عملياتو اعلان وکړو.
د امریکې صدر جو بايډن د روس برید وغندلو او ملګرو ملتونو په روس د پوځ بيرته غوښتو غږ کړی او په يوکرېن کې مارشل لا لګول شوې ده.
د روس د صدر د پوځي عملياتو د اعلان وروسته د وي او اې د خبر ترمخه د يوکرېن د پلازمينې کیف سره نزدې غټه چاودنه شوې، او چارواکو ويلي روس د کروز ميزايلو د لارې پوځي ځايونه په نخښه کوي
د اوکراین پوځ وویل په اوکراین د یرغل شروع کولو په مهال روسي ځواکونو د هېواد په ختیځ کې د اوکراین په پوځي هدفونو د راکټو حملې وکړې او په مختلفو ښارونو کې په هوايي ډګرونو حملې وکړې.
د وي او ای د رپورټ ترمخه د اوکراین د ولسمشر یو مرستیال خبریالانو ته وویل چې لږ تر لږه 40 کسان وژل شوي دي.
د رپورټ ترمخه د اوکراین سرښار کیف په مرکز کې خاموشي وه، لارې کوڅې خالي وې او په رهایشي علاقو کې د بېنکونو ای ټی اېم مشینونو او د کریانې د دوکانونو نه بهر د خلکو قطارونه وو.
د کیف ته د مغرب په لوري تلونکو لویو لارو د موټرو ګڼه وه ځکه چې خلک د ښار نه د مغرب په لوري وتل.
د اوکراین په مشرق کې هم په پېټرول سټېشنو او سپرمارکیټونو د خریدارانو ګڼه ګوڼه وه او د سحر د پېنځو او شپږو بجو ترمنځ د روس د پولې د لورې نه د چاودنو اوازونه اورېدل کېدل.
په اوکراین د روس د حملې په اړه د امریکې صدر جوبایډن وویل د اوکراین ولس د روس د ناجایزه جنګ دلاسه د مشکل سره مخامخ شوي دي.
امریکې او مغربي اتحادیانو یې لوظ کړی چې په اوکراین د روسیې د حملې په ځواب کې به د مسکو په ضد سخت اقتصادي بندیزونه لګوي.
د يوکرېن صدر ولاديمیر زيلنسکي د زيارت په ورځ په ملک کې مارشل لا لګولې او په خلکو يې غږ کړی چې نه ويريږي، د امريکې د صدر جوبايډن سره یې خبرې کړي دي.
د امریکې صدر جوبايډن په ټویټر ويلي، د زيلنسکي سره یې خبرې شوي، د روس د پوځ بې جوازه بريد غندي او هغه يې د نړيوالې غندنې او د ملګرو ملتونو د امنيتي کونسل په غونډه خبر کړی دی.
نوموړي ویلي، د يوکرېن صدر ورته ویلي چې په نړيوالو مشرانو غږ وکړي چې د پيوټن د يرغل پرضد ښکاره خبره وکړي او د يوکرېن د خلکو سره ودريږي.
President Zelenskyy reached out to me tonight and we just finished speaking. I condemned this unprovoked and unjustified attack by Russian military forces. I briefed him on the steps we are taking to rally international condemnation, including tonight at the UN Security Council.
— President Biden (@POTUS) February 24, 2022
بايډن زیاته کړې، سبا به د جي7 مشرانو سره وينم، او امریکا او اتحاديان به يې په روس نور سخت بندېزونه لګوي.
د ملګرو ملتونو عمومي سېکتر انتونيو ګېټرېس د روس په صدر غږ کړی، چې د انسانيت په نوم،، خپل پوځونه بيرته را وغواړه، او دا شخړه دې ودرول شي.
"President Putin, in the name of humanity, bring your troops back to Russia.This conflict must stop now."-- @antonioguterres on the developments regarding Ukraine. https://t.co/QYDflm1Co5 pic.twitter.com/s3aWCHWHYZ
— United Nations (@UN) February 24, 2022
د يوکرېن د بهرنيو چارو وزير ډمټرو کوليبا ویلي،
پيوټن په يوکرېن پوره حمله پېل کړې ده، د يوکرېن پرامنه وګړي د بريدونو لاندې دي. دا جګړه يرغل دی. يوکرېن به خپله دفاع کوي او بريالی کيږي به. نړۍ دې پيوټن ودروي. دا د عمل وخت دی.
Putin has just launched a full-scale invasion of Ukraine. Peaceful Ukrainian cities are under strikes. This is a war of aggression. Ukraine will defend itself and will win. The world can and must stop Putin. The time to act is now.
— Dmytro Kuleba (@DmytroKuleba) February 24, 2022