په ټوېټر خبریالانو او د پښتنو د حقونو فعالانو د شمالي وزیرستان پولیس افسر اېس پي طاهر داوړ د بې درکه کېدو او د مرگ په اړه د تشویش څرگندونه کړې ده او بېلا بېلې پوښتنې یې راپورته کړې دي.
په اسلام آباد کې مېشته پښتون خبریال حسن خان د ایس پي طاهر خان په اړه یو شمېر پوښتنې کړې دي.
Question is how SP #TahirDawar abducted frm Islamabad?How taken across border to Afghanistan? State particularly #Pakhtunkhwa police remained silent for weeks? Was State & #KPpolice knew #Tahirdawar was n safe hands? And no efforts made to recover him?Traits of Banana state? pic.twitter.com/hTntHDcGx8
— Hassan khan (@hasankhyber) November 14, 2018
حسن خان په ټوېټر لېکلي: "سوال دا دی چې اېس پي طاهر داوړ څه رنگ د اسلام اباد نه وتښتول شو؟ د پولې پورې غاړه افغانستان ته څه رنگ ورسول شو؟ ریاست په خصوصي توگه د پښتونخوا پولیس تر هفتو پورې خاموشه پاتې شو؟ آیا ریاست او کی پي پولیس ته معلومه وه چې طاهر داوړ په محفوظو لاسونو کې دی؟ او د هغه د لټون کوښښونه وه نکړی شول؟ د کمزوري (بنانا ریپبلېک) ریاست علامات دي؟"
په ټوېټر لیکوالانو ویلي حکومت ولې د اېس پي طاهر داوړ په وژل کېدو خاموشي اختیار کړې ده؟
You, Mr. Shehriyar Afridi, in the style of Sanjay Dutt prey upon the police stations in the midnight, can%27t comment upon the gruesome murder of the police officer, Mr #TahirDawar abducted from Islamabad. You lay dubious claims to merit & act on mistaken grounds.
— Sami-ul-Haq (@Sami001Haq) November 14, 2018
سمیع الحق د پاکستان د کورنیو چارو نایب وزیر شهریار افریدي په مخاطب کولو لیکلي: "ته، مسټر شهریار افریدي، د سنجی دت (د هندي فلمونو اداکار) په رنگ په نیمه شپه په تاڼو لکه د ښکاري مارغه چاپې وهې، د پولیس افسر په بوږنونکې قتل خبره نشې کولی، مټسر طاهر داوړ د اسلام آباد نه وتښتول شو. ته (شهریارافریدي) د قابلیت او د غلطیو د سمولو مشکوکې دعوې کوې."
د پاکستان خارجه وزارت د شورو، چارشنبې، په ورځ وویل افغان مامورینو کابل کې د پاکستان سفارتخانې ته اطلاع ورکړې ده چې د اېس پي طاهر داوړ مړی په ننگرهار ولایت کې موندل شوی دی، د شناخت تصدیق یې د هغه د پېښور پولیس د شناختي کارډ نه شوی دی او جسد به یې په جلال اباد کې د پاکستان د قونلصلگرۍ مامورینو ته وسپارل شي او بیا به د طورخم دلارې پاکستان ته منتقل کړی شي.
د افغانستان خارجه وزارت په خپل بیان کې وویل چې د طاهر داوړ مړی د ننگرهار ولایت په در بابا ولسوالۍ کې د نهې، سه شنبې، په ورځ وموندل شو.
طاهر داوړ د اکتوبر د میاشت په ٢٧ نېټه د اسلام آباد نه بې درکه شوی و.
دپښتون ژغورنې دغورځنګ یو فعال مشر اؤ د قبائیلي ضلعې شمالي وزیرستان څخه د قامي اسمبلۍ غړي محسن داوړ د وي او ای ډیوه سره مرکه کې ویلي د وژل شوي پښتون پولیس افسر د وژنې پړه که څوک په هره ډله ور اړوي د دوی دعوه په ریاست ده.
محسن داوړ په ټوېټر لیکلي چې د طاهر داوړ د قتل خلاف به د زیارت، پنجشنبې، په ورځ د پاکستان په بېلا بېلو ښارونو کې احتجاجونه کوي.
PTM will record a country wide protest tomorrow against the brutal murder of SP #TahirDawar #ShaheedTahirDawar
— Mohsin Dawar (@mjdawar) November 14, 2018
علي وزیر، د جنوبي وزیرستان د پښتون ژغورنې غورځنگ یو مشر او د قامي اسمبلۍ غړی، د طاهر داوړ په مرگ غفگان څرگند کړی او وايي د هغه په قتل کې ککړ تنان به ښکاره کوي.
علي وزیر لیکلي: "اېس پي طاهر داوړ مونږ ډیر افسوس کوو چې ته مو بچ نه کړی شوې خو مونږ لوظ کړی چې ستا د وینې شیندونکی به دنیا ته ښکاره کوو."
SP Tahir Dawar we are very sorry, that we did not save you, but we promised that your bloodsheder will soon shown to the world.#PashtunRejectStateTerrorism#TahirDawar pic.twitter.com/nGXWqVMkPx
— Ali Wazir (@Aliwazirna50) November 13, 2018