سوډان ته امدادي سامان وړونکی جهاز د پاکستان په کراچۍ ښار کې د اتوار په ورځ سحر وختي غورځیدلی دی، په نتیجه کې يي لږ تر لږه ١٢ کسان مړه شوې دي.
د روس جوړ جهاز د کراچۍ هوائي اډې نه د پورته کیدو سملاسي ورستو د ابادۍ علاقه کې وغورځیدو.پیښه کې د جهاز د عملې اته واړه روسي وگړې مړه شوې دې.
چارواکې وائي د جهاز غورځیدو په نتیجه کې یوشمیر نور کسان په زمکه هم ژوند د لاسه ورکړی دی. ویره ښکار کیږي چې پیښه کې د وژل شوؤ کسانو شمیره زیا تیدی هم شي.
د هوابازۍ چارواکې وائي جهاز سوډان ته امدادي سامان وړلو چې پکښې خیمې هم شاملې وې.
ځائې میډیا خپلو رپورټونو کې وئیلې جهاز د پاکستان د سمندري پوځ دافسرانو د پاره جوړیدونکې کورونو کې غورځیدلی دی خو زیاتره کورونه خالي ؤ.
چارواکې وائي د غورځیدلې جهاز پائیلټ جهاز کې د څه خرابۍ په حقله کنټرول ټاؤر ته کومه اطلاع نه وه ورکړې.
هم ددې میاشت په وړمبو ورځو کې کراچۍ کې د هوائي جهاز د غورځیدو په بله پیښه کې ٢١ کسان مړه شوې ؤ. دغه جهاز هم د هوائي اډې نه د پاسیدو سملاسي ورستو غورځیدلی ؤ.