د پاکستان په شمالي وزیرستان قبائیلي سیمه کې د اتوار په ورځ بې پائیلټه هوائي جهاز یا ډرون حمله کړې ده. په نتیجه کې يي څلور مشکوک جنگیالي وژل شوې دي.
خبرې رپورټونه د چارواکو د خلې وائي ډرون د شمالي وزیرستان حسن خیل کلې کې یو گاډی په دؤو مزائیلو ویشتی او په نتیجه کې يي څلور کسان وژل شوې دي. د وژل شؤو کسانو د شناخت په حقله څه نه دي ویل شوې.
په دې ورستیو ورځو کې د پاکستان په قبائيلې سیمه کې د ډرون حملو کې زیاتوالی راغلی دی. ویل کیږي د امریکې د استخباراتو اداره سي ائي ای د ډرون حملې ترسره کوي، خو امریکائې چارواکې په رسمي توگه ددې خبرې تصدیق نه کوي.
پاکستان هم د ډرون حملو مخالفت کوي وائې دا دهیواد خپلواکۍ سرغړونه ده.
تیره هفته د امریکې واشنگټن پوسټ ورځپاڼې خپل یو رپورټ کې وئیلې ؤ امریکا غواړې چې پاکستان کې د ډرون حملو لمن تر بلوچستان صوبې پورې اوغځوي. خو پاکستان دا امکار رد کړی دی.
د رپورټونو تر مخه د پاکستان په قبائيلي سیمو کې د ډرون په حملو کې یو شمیر د القاعده او طالبانو مهم غړي وژل شوې دي چې پکښې د پاکستاني طالبانو مشر بیت الله محسود هم شامل دی.
رپورټونه وائې د ستمبر د میاشت راهسې د پاکستان په قبائیلې سیمو کې ۴٧ حملې شوې دي چې له امله يي ٢٥٠ کسان وژل شوې دي.