د اطلاعاتو او نشریاتو په څانگه کې د پاکستان د وزیراعظم خاصې استازې فردوس عاشق اعوان باندې پس له هغه پر سوشل میډیا او مطبوعاتو کې تنقیدونو زور اخیستی دی چې هغې د خالي یا شنبې په ورځ د تهیلیسیمیا د مریضانو دپاره د وینې مرستې ته ولاړه، مگر خپله وینه یې ورنکړه او پر ځای یې د وینې ورکولو "جعلي" پېښې وکړلې.
د پاکستان پر مطبوعاتو باندې داسې تصویرونه مخې ته راغلل چې گني مېرمن عاشق اعوان، سُندُس فاونډېشن سېنټر ته تللې او هلته یې خپله وینه خیرات کړې ده، مگر وروسته معلومه شوه چې هغې دا هرڅه نمایشي طور باندې کړي او یوه قطره وینه یې هم نده اخیستل شوې.
فردوس عاشق اعوان چې کله سندس فاونډېشن سېنټر ته ولاړه، نو هلته ډاکټر بغیر له دې چې پر مټ یې ستنه ولگوي، د وینې پایپ یې پر لاس داسې ورکېښود چې گني له هغې نه وینه اخلي، او بیا یې د وینې یوه کڅوړه وښوده چې گني د مېرمن عاشق اعوان وینه وه، خو په اصل کې هغه د بل چا وه.
د مېرمن عاشق اعوان یو نږدې همکار د پاکستان ډان ورځپاڼې ته ویلي چې دا یو "سېمبولیک" یا نمایشي کمپېن و، او دوی اوس خفه دي چې ولې خلکو هغه جعلي گڼلی دی.
پخپله فردوس عاشق اعوان پر خپل ټویټر لیکلي:
"سندس فاونډېشن، په تهیلیسیمیا مرض د اخته ماشومانو دپاره د وینې ورکولو په حواله د آگاهۍ کمپېن اجرآ کاوه. په دې ضمن کې، مېډیا دې پېښې ته کوورېج ورکړ ـ د میډیا دې تصویرونو او فلمونو ځیني برخې او پر سوشل میډیا، گمراه کوونکي انداز باندې خپرول، انتهایي د افسوس خبره ده."
سندس فاؤنڈیشن نے تھیلیسیمیا کے بچوں کیلئے خون کے عطیات کے حوالے سے آگاہی کمپین کا اجراء کرنا تھا۔اسی ضمن میں میڈیا کوریج ہوئی۔جس کی تصاویر اور فوٹیج کو میڈیا کے بعض حصوں اور سوشل میڈیا پر گمراہ کن انداز سے پیش کیا جانا انتہائی افسوس ناک ہے۔
— Dr. Firdous Ashiq Awan (@Dr_FirdousPTI) January 18, 2020
شمعه جونیو، چې په لندن کې یوه پولیټیکل ساېنټسټه او د بشري حقونو فعاله ده، پر ټویټر لیکلي:
"زه د وینې یوه ډونره یم او هر ځل چې زه وینه (خیرات) ورکوم، دا کار زما فزیکي صحت لا را ښه کوي او خورا زیات ذهني خوند هم رابخښي چې زه یو ژوند ته نجات ورکوم. دا راته زړه بوږنوونکې ده چې ډاکټر فردوس عاشق اعوان د وینې ورکولو دغه نمایش وکړ، دې ډرامې ته څه حاجت و؟"
I am a blood donor & every time I donate blood, it brings me more good physical health and n immense mental pleasure that I am saving a lifeI am disgusted to see this blood donation stunt by Dr. Firdous Ashiq Awan, what was the need of this drama?#Shame pic.twitter.com/plDUMgXJiS
— Shama Junejo (@ShamaJunejo) January 19, 2020
په امریکا کې مېشت څېړنکار او پر سوشل مېډیا سیاسي فعال، ډاکټر محمد تقي پر خپل ټوېټر لیکلي:
"د دغلبازانو حکومت، د دغلبازانو لخوا، دغلبازانو ته".
Government of the fraudsters, by the fraudsters, for the fraudsters #PTI https://t.co/uLwX3YbFjF
— Mohammad Taqi (@mazdaki) January 19, 2020
یاده دې وي چې په پاکستان کې د وینې ورکولو دا کمپاین، د تهیلیسیمیا مریضانو ته د مرستې کولو او د عامه خلکو د آگاهۍ د زیاتېدو په خاطر پیل شوی دی.