د پاکستان د بشري حقونو غېر حکومتي ادارې هیومن رایټس کمېشن اف پاکستان مرستیال مشر او د خېبرپښتونخوا يو فعاله قانون پوه کامران عارف د جمعې په ورځ د کرونا وایرس دلاسه د اسلام اباد په پمز روغتون کې ساه ورکړه.
د کامران عارف په مرګ اېچ ار سي پي په ټوېټر خپل پېغام کې وویل: “ مونږه د کامران عارف په بې وخته مرګ دردېدلي یو او د هغه د کورنۍ او ملګرو (سره) په دې لوی غم کې شریک یوو.”
ایچ آر سی پی، خیبرپختونخوا چیپٹر کے وائس چئیر کامران عارف کی بے وقت وفات نے ہمیں غم سے نڈھال کر دیا ہے۔ pic.twitter.com/R1GMutM0GE
— Human Rights Commission of Pakistan (@HRCP87) April 2, 2021
د اېچ ار سي پي تر څنګ د بشري حقونو مبارزینو، د مدني ټولنې فعالانو، قانون پوهانو، سیاست والو او دژوند د بیلا بیلو نورو شعبو سره تعلق لرونکو خلکو د کامران عارف په مرګ خفګان څرګند کړو او هغه ته يې په خپلو پېرونو کې وویل چې یو مهربان او انسان دوست تن و چې د کمزورو خلکو به یې قانوني مرسته کولو او د بشري حقونو لپاره یې د مزاحمت توان لرلو.
د پښتون ژغورنې غورځنګ فعال ډاکټر سید عالم محسود په فېس بک خپل پېغام کې د کامران عارف مرګ د "د غم نه ډک خبر" وبللو او هغه یې د "ژوند نه ډک انسان" په توګه یاد کړو.
د پښتون ژغورنې ملاتړی او د شمالي وزیرستان نه د پاکستان د قومي اسمبلۍ غړي محسن داوړ هم د کامران عارف په مرګ خفګان څرګند کړو او هغه یې د انساني حقونو حقیقي فعال او د یو عاجز طبیته انسان په څېر یاد کړو.
Deeply saddened to learn of the passing away of @HRCP87’s Vice chairperson Kamran Arif Sb. It is a great loss. He was a committed human rights activist, an intelligent lawyer and a kind and a humble human being. May he rest in peace. Heartfelt condolences to his family. pic.twitter.com/3Oa0DN5a0h
— Mohsin Dawar (@mjdawar) April 2, 2021
کامران عارف زیات وخت په خېبر پښتونخوا کې د بشري حقونو لپاره کار کړی و او د لادرکه خلکو په مسله به یې د پاکستان په حکومت نیوکې کولې.
د پېښور هايي کورټ د وکیلانو د تنظیم مشر خالد انور اېډوکېټ وي او ای ډیوه ته وویل چې هغه کامران عارف همېش په عدالتونو کې د لادرکه خلکو د خپلو خپلوانو او د ټولنې د کمزورو خلکو سره په قانوني مرستو ته چمتو لیدلی و.
په پاکستان کې په انټرنېټ د خلکو د بنیادي حقونو د تحفظ لپاره د ډېجټل رائټس نومې تنظیم یوې فعالې نګهت داد په ټوېټر لیکلي “ د کرونا له وجې د کامران عارف مرګ نه منونکې او لړزونکی دی، هغه یو کلک فعالا، تکړه قانون پوه او مشر او خواخوږی ملګری وو."
په امریکا کې مېشته په سماجي وېب پاڼه ټوېټر د پاکستان په سیاسي او سیمه ایزو شخړولیکونکي ډاکټر تقي لیکلي دي
د کامران عارف مرګ "د انساني حقونو د مبارزینو د ټولنې لپاره یو لوی زیان دی.”
Can’t believe @KamranArif is gone like that. Feels it was just yesterday that he came back from Nottingham to Peshawar. Perhaps Nasir ul Mulk sahib was the chair of HRCP’s NWFP chapter when he joined. Huge loss for the human rights community and, of course, family & friends #RIP
— Mohammad Taqi (@mazdaki) April 2, 2021
خالد انور اېډوکېټ وویل کامران عارف د خېبرپښتونخوا د نوښار ضلعې د ځلوزو (جلوزو) کلي اوسېدونکی و. په قام خټک و او د اتیایم د لسیزې په اخېره کې یې په پېښور هايي کورټ کې وکالت پېل کړی وو.
د پاکستان د بشري حقونو د کمېشن اېچ ار سي پي د وېب پاڼې له مخې کامران عارف د پېښور تاریخي اېډورډ کالج نه د څوارلسم تعلیم ډګري ترلاسه کړې وه، د پېښور پوهنتون نه یې د قانون په تعلیم کې د اېل اېل بي او د لندن نه یې بیا هم د قانون اعلا ډګري، اېل اېل اېم کړی و.
کامران عارف به وخت په وخت د وي او ای ډیوه په پروګرامونو کې هم د مېلمه په حېث شریکېدلو د پښتنو سره تړلو موضوعاتو به یې خیالات او پوهه شریکوله.