د خېبرپښتونخوا د جنوبي وزیرستان ضلعې په مکین کې ځايي چارواکو د اتوار، یکشنبې، په ورځ لگول شوي کرفیو یا گرځبندیز ختم کړو خو په سیمه کې په سیاسي جلوسو او غونډو پابندي پرځای ده.
مکین ته په گڼه شمیره کې خلک د اختر په موقع د سیل دپاره ورځي، هلته خېمې ولگوي، ورځې شپې تیروي او اتڼونه او خوشحالي کوي.
د اتوار، یکشنبې، په ورځ هم مکین ته د خلکو د تگ لړۍ روانه وه خو د امنیتي ځواکونو په چېک پوسټونو د اږدو قطارونو او انتظار ورسته خلکو د پوځ خلاف نعره بازې شروع کړه او د پښتون ژغورنې غورځنگ د پلویانو په څېر شعارونه یې پورته کول.
یو امنیتي چارواکي د نوم نه څرگندولو په شرط وي او ای ډیوه ته وویل چې خلکو د راپاریدو ورسته د صورتحال قابو کولو دپاره په میکن کرفیو ولگول شوه.
د څو گټنو ورسته گرځبندیز ختم کړی شو او مکین ته د خلک دپاره لارې پرانیستل شوې.
خو په سیمه کې د قانون د ١۴۴ مادې د لاندې په سیاسي جلسو او غونډو پابندي پرځای ده.