د سعودي حکومتي خبري اداره وايي يو سعودي تن د مسجد حرم دروازې سره موټر جنګولی، د موټر ډرايور يې نيولی او د پېښې پلټنې به کوي.
په سوشل میډیا خپره شوې ویډیو کې ليدل کېږي چې ډرايور د مسجد حرم دروازې سره موټر جنګوي.
د حرمېن شرېفېن لخوا يو ټويټ کې ويل شوي چې موټر د جومات ۸۹مه دروازه باندی ورغلی.
د سعودي عرب سرکاري خبري ادارې تر مخه دغه پېښه د جمعې په شپه ناوخته د شپې لس نیمې بجې رامنځ ته شوې.
د رپورټونو ترمخه ګاډی چلونکی یو سعودي تن وو او موټر یې ډیر په تیزۍ سره چلوو. لومړی یې په ګاډي امنیتي جنګله (بېریر) وهلې، او بیا یې موټر د مسجد حرم لوې دروازې سره وجنګوو.
UPDATE | A Hyundai car, beige colored, collided at Door 89 of Masjid Al Haram at 10:25 pm And the driver was arrested inside the expansion of King Fahad No one was hurt, Alhamdulillah pic.twitter.com/C4TX6cvODs
— Haramain Sharifain (@hsharifain) October 30, 2020
د مسجد حرم ۸۹مې دروازې سره د ګاډي د جنګیدو وروسته دغلته ولاړ امنیت ساتونکي د ګاډي نه راتاو شوي او موټر چلونکی یې د ګاډي رابهر کړی.
د میډیا رپورټونو تر مخه کله چې دغه تن دګاډي نه راکوز کړی شو نو د هغه حالت سم نه وو.
پولیسو دغه تن د انصاف محکمې چارواکو ته سپارلی چرته چې به دغه تن ته سزا ورکول کیږي.
په ټولنیزو رسنیو داسې ویډیو هم لاس په لاس ده چې د دغه پېښې وروسته امنیت ساتونکي دغه ګاډې د مسجد حرم نه بهر اوباسي.
متحدث #إمارة_مكة سلطان الدوسري :الجهات الأمنية بمكة تُباشر حادثة ارتطام مركبة بأحد أبواب #المسجد_الحرام نتيجة انحرافها أثناء سيرها بسرعة عالية بأحد الطرق المحيطة بالساحة الجنوبية اللحرم، ولم يصب أي شخص بأذى..المقبوض عليه مواطن بحالة غير طبيعية ، وجارٍ إحالته للنيابة العامة pic.twitter.com/wOAPnq2YPf
— إمارة منطقة مكة المكرمة (@makkahregion) October 30, 2020
په سعودي عرب کې د کرونا وبا خوریدو وروسته مسجد حرام هم تړل شوی وو او په نژدیو ورځو کې د لمونځو کونکو لپاره بیرته پرانستل شوی.