د پاکستان د سېنېټ یا بانديني ایوان په انتخاباتو کې د چېرمین په څوکۍ د حکومت مخالفه گوندونو شريک اميدوار صادق سنجراني حکومتي امیدوار راجه طفرالحق ته ماتې ورکړې ده.
د بلوچستان نه په ازاده څوکۍ بریالي شوي صادق سنجراني ته د حکومت د مخالفه خو په په خپلو کې رقيبانو گوندونو پاکستان پیپلز پارټۍ او تحریک انصاف، د بلوچستان ازاد امیدوارانو او د قبایل سیمو د سینټرانو مرسته ترلاسه وه.
د واکمن گوند مهمې مشرې او د پخواني وزیراعظم لور مریم نواز شريف په ټویټر په خپل غبرگون کې ويلي دي چې "د زرداري او امپاير د گوتې بیوپاري چې ستا دربار ته ورسیدل نو یو شو"
زرداری اور امپائر کی انگلی کا بیوپاری تیرے دربار میں پہنچے تو سبھی ایک ہوئے
— Maryam Nawaz Sharif (@MaryamNSharif) March 12, 2018
اکثره پاکستاني څېړنکاران د "امپایر گوته" اصطلاح د پوځ لپاره کاروي.
د پاکستان یوه ملت پاله سیاسي فعاله بشرا گوهر د سېنېټ په انتخاباتو هم خپله رای په ټويټر ښکاره کړې ده. هغه پوځ ته په اشاره کې وايي "د پنډۍ هلکانو ښه لوبه وکړه، د سېنیټ پوره کنټرول یې تر لاسه کړو. سټېبلېشمېنټ وگټله او جمهوریت وبایلله"
Well played #PindiBoyz & their #StableBoyz! Full control over Senate has been handed over-Establishment won, Democracy lost...#SenateElections2018 #Horse&CattleShow
— Bushra Gohar (@BushraGohar) March 12, 2018
سنجراني د سینټ ۱۰۳ رایو کې ٥٧ رای ترلاسه کړې. د سېنېټ د مشرۍ دپاره د ائین یا دستور لاندې د سېنېټ چیرمین ته د ایوان بالا د مشرۍ لپاره ۵۳ ووټونه ترلاسه کول ضروري وي.
د سنجراني تعلق د کړکېچ ځپلې صوبې بلوچستان سره دی. وتلي کالم ليکونکي ډاکټر تقي په خپل ټویټر ليکلي دي " ظفرالله جمالي وزیراعظم وو خو څه څه وشو؟ بلوڅانو ته عهدې نه حقونه ورکړئ"
ظفر الله جمالی وزیر اعظم تھے مگر نتیجہ کیا ہوا؟ #بلوچوں کو عہدے نہیں حقوق دو https://t.co/QfEzz9RhWa
— Mohammad Taqi (@mazdaki) March 11, 2018
بلې خواته د پيپلز گوند شریک مشر بلاول بټو زرداري په خپل ټویټر په مسلم ليگ گوند پورې طنز کړدی دی او ليکي " د ضیا وړومبي بېټسمین ماتې وخوړه. بلوچستان وگټله. وفاق وگټله. د سېینټ مشره امبارک شه"
Zia’s opening batsman defeated. Balochistan wins. Federalism wins. Congratulations Chairman Senate Sadiq Sanjrani.
— BilawalBhuttoZardari (@BBhuttoZardari) March 12, 2018
د ایوان د نایب چیرمین منصب د پيپلز گوند سليم مانډوي واله وگټلو، هغه د ملت پال پښتونخوا ملي عوامي گوند او واکمنه مسلم ليگ نون شريک امیدوار عثمان کاکړ ته ماتې ورکړه. د سېنېټ د مشرانو ټاکنې د پټو رايو د لارې وشولې.
دا مهال په سېنېټ کې د واکمن مسلم لیگ (ن) ۳۳، د پاکستان پیپلز گوند ۲۰، د پاکستان تحریک انصاف ۱۲، د نیشنل پارټۍ، پښتونخوا ملي عوامي گوند او متحده قومي مومنټ پينځه پينځه، د جمیعت علما اسلام (ف) ډلې څلور، د عوامي نیشنل گوند، بلوچستان نیشنل پارټۍ مېنگل، جماعت اسلامي او پاکستان مسلم لیگ (ف) یو یو او ۱۶ ازاد غړي دي.
د پاکستان د ائين ترمخه هر درې کاله وروستو د سېنېټ نیمايي غړي د خپلې مودې شپږ کاله په پوره کولو خپلې څوکۍ خالي کوي.