د امریکا ددفاع وزیر جیم مېټس وايي پاکستان ته په افغانستان کې د امریکا د سټراتیژۍ د کامیابۍ لپاره یوه وروستۍ موقع ورکوي خو که هڅې يې ناکامه شي نو بیا صدر ټرمپ ټولو ګامونو اخیستلو ته تیار دی.
د سنیټ پوځي چارو کمیټې ته د یوې اورونې په وخت جیم میټیس وویل چې په پاکستان د فشار راوړلو لپاره د ایتلافي هېوادونو مرسته ورسره ده او د امریکا د حکومت ټولې ادارې او طاقت به د پاکستان مجبورولو لپاره وه کاروي.
د سنیټرانو ددغو پوښتنو په ځواب کې چې د پاکستان پرضد امریکا سره په پاکستان د فشار راوړولو کومې لارې دي جیمز مټیس وویل په ډپلوماټیکي توګه پاکستان یواځې کولای شي، د نړیوالو مالي ادارو څخه پورونو اخیستو کې ورته شرایط سخت کولای شي او د امریکا مرستې هم مشروطې کولای شي.
همدې اورونې ته د امریکا د ګډو ځواکونو د کمیټې مشر جنرال جوزف ډنفورډ وویل چې دا ښکاره خبره ده چې د پاکستان استخباراتي اداره (آی اس آی) له ترهګرو ډلو سره اړیکې لري.
د امریکا دوو سترو دفاعي چارواکو دغه خبرې پداسې حال کې کړیدي چې د پاکستان د بهرنیو چارو وزیر خواجه اصف په واشنګټن کې د امریکايي چارواکو سره لیده کاته کوي.
د امریکا د بهرنیو چارو له وزیر ریکس ټیلرسن سره د لیدنې وروسته خواجه اصف ویلي چې له امریکا سره په اړیکو کې پرمختګ شوی او دوی ورته خپل دریځ روښانه کړی.
د پاکستان دفاع وزیر خورم دستګیر دامریکا غږ اردو څانګې ته ویلي چې که امریکا غواړي له پاکستان څخه د افغانستان د قربانۍ ګډوری جوړ کړي نو دا به ورسره وه نه مني.
څېړونکي پوښتي چې د پاکستان د بهرنیو چارو وزیر په خپلو پریکړو کې څومره خپلواک دی ځکه چې د امریکا سره اړیکې د پاکستان پوځ ټاکي نه د پاکستان ملکي چارواکي.