د امریکې صدر جوبایډن د کرونا وایرس ټېسټ مثبت ختلی دی. دا خبره وایټ هاوس د زیارت، پنجشنبې، په ورځ وکړه.
وایټ هاوس په یو بیان کې وویل 79 کلن بایډن ته د کرونا وایرس په ضد وېکسین او بوسټر ستنې لګول شوي دي.
وایټ هاوس وویل بایډن ته پېکس لوېډ نومې دوا ورکړی کېږي او په وایټ هاوس کې د خلکو نه جلا کار کوي.
وایټ هاوس وویل ترڅو د صدر بایډن د کرونا وایرس ټېسټ منفي نه وي راغلی تر هغه وخت پورې به په نتهايې کې د صدارت ذمه وارۍ ترسره کوي.
د صدر بایډن نه مخکې د امریکايي حکومت نور ګڼ شمېر اهم چارواکي په کرونا وایرس اخته شوي وو.
اېنټني بلېنکن
د سږ کال د می په میاشت کې د امریکې خارجه وزیر اېنټي بلېنکن د کرونا وایرس ټېسټ مثبت موندل شوی و.
تېر کال د اکتوبر په میاشت کې د وایټ هاوس ترجمانه جېن ساکي ته هم د کرونا ناروغي شوي وه.
ډاکټر اېنتي فاوچي چې اېسوسي اېټېډ پرېس خبري ادارې د کرونا وایرس په ضد د امریکې د کوښښونو مخ بللی، د جون په میاشت کې یې د کرونا ټېسټ مثبت موندل شوی و.
81 کلن داکټر فاوچي د صحت د چارو په اړه د صدر بایډن مشیر دی.
ډاکټر اېنتني فاوچي