د بيليجيئم پوليس تېر کال د نومبر په مياشت کې پېرس او تېره مياشت په برسلز کې ترسره شوؤ ترهګر بريدونو کې د دوه مبينه ملزمانو د نيولو ادعا کړې ده .
چارواکو وئيلي د محمدعبريني نومې کس عمر ۳۱ کاله دی او هغه د جمعې په ورځ نيول شوی دی . د مراکش نژاد بيلجيئن سره تعلق لرونکي دغه کس باندې شک دی چې دا هغه کس دی چې تېره مياشت برسلز کې هوايي اډه باندې د چاؤدنو نه پس د تښتې په وخت يوې کېمرې ريکارډ کړی ؤ .
په ويډيو کې دغه کس داسې ليدل شوی چې هېټ يا ټوپۍ کې يې مخ پټ ؤ او د بيلجيئن مطبوعاتو ده ته د هېټ په سر پُراسراره کس نوم ورکړی ؤ .
که چرته د دې خبرې پخلی وشي چې محمدعبريني هغه سړی دی کوم چې په ويډيو کې ليدل کيږي مطلب به يې دا وي چې ملزم د پېرس او برسلز په حملو کې تُند کردار ادا کړی ؤ .
د عبريني يوه ويډيو په ۱۳م نومبر پېرس کې د شوؤ حملو نه وړاندې پلازمينې پله تلونکې شاهراه باندې يوې کېمرې ريکارډ کړې وه .
په دغه ويډيو کې غبريني سره د پېرس حملو يو بل مرکزي ملزم صلاح الدين عبدالسلام هم ؤ څوک چې دا وخت د برسلز پوليس په قېد کې دی .
عبريني د پېرس حملو کې د ککړ ډلې هغه اخري کس ؤ د چا چې پوليس پېژندګلو کړې او مفرور ؤ .
د بيلجيئن پوليس د جمعې په ورځ د يو بل کس د نيولو ادعا هم کړې ده . او هغه په ۲۲م مارچ د برسلز په مائل بيک سب وی سټېشن باندې چاؤدنو کې مشکوک ګڼل کيږي .
تېر کال د نومبر په مياشت کې د پېرس په بېلابيلو سيمو کې ډزو او چاؤدنو کې ۱۶۲ او روان کال د مارچ په مياشت کې برسلز کې چاؤدنو کې ۳۲ کسان وژل شوي وو .
