د جنوبي کوریا د دفاع وزارت نن د ګل،دوشنبې په ورځ ویلي شمالي کوریا څه وخت هم بله ایټمي تجربه کولی شی .
د دفاع وزارت په دغې اړه نور حال نه دی ورکړی خو زیاته کړې يې ده چې دغه تجربه له دې وړاندې د شوې تجربې د ځاې سره کېدی شي چرته چې د وړاندې تجربې نه یو سورنګ خالي پاتې شوی ؤ او دا به شپږمه تجربه شي .
شمالي کوریا د جمعې په ورځ تازه تجربه کړې وه او دغه پینځمه تجربه د دغه هېواد لخوا تراوسه پورې تر ټولو زوروره تجربه وه .
د ملګرو ملتونو امنیتي شورا، سلامتي کونسل د دغه تجربې غندنه کړې او ویلي يې دي چې دا په تیره لیسزه کې شمالي کوریا باندې د ایټمي تجربو په غبرګون کې د لګېدلو بندېزونو ښکاره سرغړونه ده .
سلامتي کونسل په بیان کې د تازه تجربې په غبرګون کې د مناسب ګامونو پورته کولو ژمنه کړې ده .
د شمالي کوریا لپاره د امریکا خاص استاځی سنگ کیم به نن د دوشنبې په ورځ جنوبي کوریا ته لاړ شي .
هغه د دې نه نه وړاندې په ټوکیو کې د جاپاني چارواکو سره د شمالي کوریا د ایټمي تجربې نه وروستو د ګاونډي هیوادونو تر منځه دهمکارۍ په ضرورت زور راوړی ؤ .
