د عراق موصل ښار د خپل سره تُندروه ډلې اسلامي دولت يا داعش د قبضې نه خلاصولو د پاره به امريکا عراق ته د نورو ۶۰۰ عسکرو ليږلو منظوري ورکړې ده .
د امريکا د دفاع وزير ايش کارټر ويلي د نور پوځ ليږلو پريکړه يي د موصل ښار باندې د داعش واک ختمولو او د عراق ځايي ځواکونو توانولو برخه ده .
کارټر ويلي دا اضافي عسکر به عراقي ځواکونو او د کرد پېش مرګه تربيه سره صلاح او هغوې ته مرستې ورکوي او دې تر څنګ به عراق او غربي هيوادونو کې د ترهګرۍ پېښو مخنیوي کې استخباراتي معلومات شريکوي .
د امريکا صدر باراک اوباما او د عراق وزیراعظم د عسکرو په زياتولو موافقه شوي وو .
د چارواکو په وینا اضافي عسکر به موصل او انبار صوبه کې ګمارل کيږي .
په کال ۲۰۱۴ کې داعش د موصل ښار په ګډون د عراق او شام ګڼ شمېر علاقې د واک لاندې راوستې وې خو په وروستيو کې د امريکا په مرسته عراقي ځواکونو داعش د ډيرو برخو نه پشا کړې او د خپل واک لاندې يي راوستې ده .
