لاس رسیدونکی لینک

تازه خبر

امریکا د روس لوړ پوړی تفتیش کار په ګډون په ۷کسانو بندېزونه لګولي


په بندېز لګېدونکو کسانو باندې امریکا ته تګ بند شي او په امریکا کې يې جایداد وتړل شي،
په بندېز لګېدونکو کسانو باندې امریکا ته تګ بند شي او په امریکا کې يې جایداد وتړل شي،

امریکا د روس یو لوړ پوړی تفتیش کوونکی او د کریملن په څلورو نورو چارواکو د بشري حقونو د سرغړونو په سر بندېزونه لګولي دي.

د دغو پينځه ؤ روسي وګړو نه علاوه په دوه نورو کسانو د حزب الله ډلې سره د مبینه اړیکو لرلو په سبب د ماګنټسکي اېکټ لاندې بندېز لګول شوی دی.

امریکايي چارواکو دا نه ده په ډاګه کړې چې په دغو اووه واړو کسانو اصل تور څه ؤ، ولې د خارجه وزارت ویاند جان کربي ویلي (تازه د بندېزونو سره مخ شوي کسان د پوره پلټنو وروستو د بندېزونو په فهرست کې شامل کړی شوي دي).

کربي ویلي د روس پينځه وګړو (د روس د قانون نافذ کولو په لړ کې د سخت رول لرلو سره سره په یواځې سر د بشري حقونو د زمانې په بدنامو سرغړونو کې ککړ وو).

په دغو کسانو کې الېګزېنډر باسټریکن هم شامل دی د چا په اړه چې ویل کيږي هغه د کریملن د لوړ پوړو تفتیش کارو او مخالفینو په ضد د کارروایانو کولو مشري کوي.

په بندېز لګېدونکو کسانو باندې امریکا ته تګ بند شي او په امریکا کې يې جایداد وتړل شي، د دې ترڅنګ امریکایان د دغو کسانو سره هیڅ قسمه ورکړه راکړه نشي کولی.

ماګنټسکي اېکټ د فساد د مخنیوي دپاره د یو روسي وکیل سرګئ ماګنټسکي په نوم جوړ شوی، څوک چې نزدې یو کال په جېل کې ساتل شوی او صحت د خرابۍ په سبب په کال ۲۰۰۹م کې مړ شوی ؤ.

روسي تفتیش کوونکی ویلي د ماګنټسکي په مړینه کې هیڅ ډول ناوړه لاس نه ؤ شامل.

ولې د امریکا خارجه وزارت تور لګوي چې داسې یو شمېر شواهد موجود دي چې ماګنټسکي باندې جېل کې تشدد شوی او د ناروغتیا علاج يې نه دی شوی.

ځانګړې ویډیوګانې


د امریکايي خبریال د روس په زندان کې کال پوره کېدونکی دی
please wait

No media source currently available

0:00 0:04:17 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG