لاس رسیدونکی لینک

Breaking News

صدر غني افغان ځواکونو ته : تاسو د دې خاورې اتلان یاست او موږ درباندې ویاړکوو


دفاعي ځواکونو د ملي ورځې د نمانځې په مراسم

د افغانستان جمهور رئیس اشرف غني د هېواد د امنیتي او دفاعي ځواکونو د ملي ورځې د نمانځې په مراسمو کې وېلي هیله ده تاسو ته معلومه شوې وي زما او د ډاکټر صاحب عبدالله هره وینا له تاسو شروع کېږي، ځکه تاسو د دې خاورې اتلان یاست او موږ درباندې ویاړ کوو.

‎هغه وويل، موږ د سولې وړاندیز ځکه وکړ چې تاسې د جنګ ډګر کې نه ده بایللې، بلکې تاسې دا شرایط برابر کړل چې ملي وحدت حکومت مطلق پرځان او پر تاسو د باور له امله په لوړ موقف د سولې موضوع مطرح کړي.

اشرف غني ووېل تاسې غیرممکن، ممکن کړل. درې نیم کاله مخکې چې د انتقال پروسه په خورا شدت سره پیل شوه، خلکو باور نه درلود. دا چې نن موږ دلته اوسو او د کب د نهمې نمانځنه کوو لامل یې دادی چې، تاسې باور درلود.

‎ښاغلي غني زياته کړه، تاسې له قوت نه قوت ته ځئ، څلور کاله مخکې چا فکر کولی شو چې بیا به افغانستان د هوایي ځواک څښتن شي؟ نن بیا د افغانستان هوایي قوه په خوځښت کې ده، له بین المللي همکارانو او پیلوټانو څخه مننه.

‎نن زموږ ماشومان، خویندې او میندې تاسې ته ګوري، ځکه چې د دوی د راتلونکې هوساینه په تاسې پورې تړلې ده.

‎هغه وويل، زموږ د امنیتي او دفاعي ځواکونو نقش ورځ په ورځ زیاتېږي، د سولې تطبیق او امنیت به زموږ هدف وي. لوی پروژې به تطبیقېږي او د قانون حاکمیت به ستاسو وظیفه وي، نن د افغانستان ټول ولس تاسو ته ګوري چې د دوی راتلونکې هوسایي او خوشالي تامین کړئ.

XS
SM
MD
LG