لاس رسیدونکی لینک

Breaking News

امريکا: دکشمير په وېشونکې پوله روانه جګړه د هند او پاکستان ترمنځ حالات نور خرابولی شي


Indian army soldiers patrol near the highly militarized Line of Control dividing Kashmir between India and Pkistan, in Pallanwal sector, about 75 kilometers from Jammu, India, Tuesday, Oct. 4, 2016. Pakistan and India traded fresh accusations of cross-bo

د امريکې د دفاع استخباراتي ادارې په خپل نوي رپوټ کې په ګوته کړې چې د هند او پاکستان ترمنځ د کشمير وېشونکې لانجمنه پوله (اېل او سي) باندې د دواړو هېوادونو ترمنځ د درنو وسلو کارېدو کې تندي راتلی شي او حالات نور خرابولی شي.

استخباراتي ادارې دغه رپورټ د سه شنبې/ نهې په ورځ د امریکې کانګرس ته وړاندې کړی دی.

د امريکايي استخباراتي ادارې دا رپوټ په داسې حال کې مخې ته راغلی چې هند او پاکستان پرله پسې په يو بل د پولې په سر د ډزو او اوربند د سرغړونې تورونه لګوي.

د تېر کال راهسې په پوله د دواړو غاړو نه د ډزو په پېښو کې تندي هم راغلې ده.

پاکستان او هند وخت په وخت په پوله د يو بل د سرتېرو د وژنو ادعاوې هم کوي او په يو بل تورونه هم لګوي چې په پوله پرتو علاقو کې پوځيان عام خلک په هدف کوي.

خو دواړو د تورونو رد هم کوي.

د فرورۍ د میاشتې په وروستيو کې د پاکستان پوځ ويلي ؤ د امریکا، برتانیه ،فرانس،چین، ترکي او انډونیشیاء دفاعي اتاشیان یې په وېشونکې پوله د راولا کوټ سیمې ته وروستي او د هاغو کورنیو سره یې ورله لیدني کړي وې چې د هندي پوځ د ډزو له امله اغیزمن شوي وو.

د پاکستان د بهرنو چارو دفتر ويلي سږ کال د فرورۍ د مياشتې د وروستۍ اوونۍ پورې په ورکنګ باؤنډرۍ او اېل او سي باندې هندي ځواکونو ۷۱ ځله د اوربند سرغړونه کړې ده، او تېر کال د سرغړونو شمېره ۱۹۰۰ ځله يادوي.

او هندي رسنۍ وايي پاکستاني ځواکونو ۷۲۴ ځله د اوربند سرغړونه کړې ده.

د پاکستان او هند دواړو ځواکونو په کال ۲۰۰۳م کې د کشمير په وېشونکې پوله باندې د اوربند تړون کړی خو د هغې باوجود وخت په وخت دغه ډول پېښې رامنځته کیږي او دواړه هېوادونه يې تور په يو بل لګوي.

په وروستيو کې د دواړو هېوادونو د پوځ لخوا د يو بل په ضد بيانونه هم مخې ته راغلي دي.

XS
SM
MD
LG