د افغانستان د دفاع وزارت ويلي د ولسمشر اشرف غني د فرمان له مخې به ډېر زر سيمه ييز پوځ فعاله کړی شي او د ناامنۍ سره مخ سيمو کې به ځای پر ځای کړی شي.
د افغان خبري ادارې طلوع ترمخه د دفاع وزارت د يکشنبې/ اتوار په ورځ ويلي ولسمشر د سيمه ييزه ځواک فعاله کولو امر کړی دی.
او وزارت ويلي پينځه زره عسکر ګمارل شوي او روزنه یې روانه ده د وزارت په وېنا په لمړي پړاؤ کې په هرات، کندهار، لغمان او کاپيسا ولايتونو کې عسکر ګمارل شوي دي.
ويل کيږي په دغه ځواک کې به د ۳۶زرو پورې عسکر وګمارل شي او ځینې راپورونه وایي د دغه ځواک شمېره به د ۲۰زرو پورې وي.
د ځايي رسنيو ترمخه د دغه ځواک وړانديز اول پېنټاګون کړی ؤ چې د ځايي امنيت دپاره دې ځايي خلک وګمارل شي.
د تير کال ستمبر په مياشت کې د دفاع وزارت د سيمه ييز ځواک جوړولو ويلي ؤ چې دغه ځواک به د دفاع د وزارت لاندې کار کوي.
افغانستان کې له دې وړاندې په کال ۲۰۱۰م کې سيمه ييز پوليس جوړ کړی شوي څوک چې د پوليس د چوکاټ لاندې فعاليت کوي.
خو په سیمه ييزو پوليسو له بشري حقونو د سرغړونې او غېر قانونه فعاليتونه تورونه لګيدلي او دغه راز په سيمه ييزه پوځ هم د بشري حقونو ځینو تنظيمونو او فعالانو اندېښنې څرګندې کړې وې.
خو افغان چاوراکو دغه اندېښنو ته په ځواب کې ویلي ؤ چې په نوي ځواک کې به زيات د ملي پوځ پخواني سرتيري ګمارل کيږي او دوي به د سيمه ييزو پوليسو نه بدل وي.
ډيری کسان دغه ځواک ستايي چې د دوي سره به د امنيت په قابو کولو کې د امنیتي ځواکونو لاس نور پياوړی شي.
د افغانستان د دفاع وزارت ويلي دغه ځواک به د افغان ملي اردو جامې (يونيفارم) اچوي او داسې هم ويل شوي وو چې په دوي کې به د وسله والو طالبانو څخه پاکو کړی شوؤ سیمو نه زيات ځايي خلک وګمارل شي تر څو په خپلو علاقو کې امنيت ټينګ وساتي.
