د پاکستان د غټ صنعتي ښار کراچۍ او حېدراباد ترمنځ په غټ سړک موټروی باندې يوه ټریفکي پېښه کې د نوې واده شوې جوړې ترڅنګ اووه تنه وژل شوي دي.
د موټروی پوليسو ويلي د کراچۍ نه د سندهـ صوبې جېک اباد ښار ته روان موټرد بل ګاډي(جيپ) سره په ټکر شوی او اوور پرې لګېدلی دی.
د موټرپوليس ځايي رسنيو سره په خبرو کې ویلي په موټر کې د يوې ماشومې په ګډون اته تنه سواره ؤ چې پکې يوه نوې واده شوې جوړه هم وه.
پوليس پخلی کړی چې په موټر د اورلګېدو له امله د نوې جوړې په ګډون اووه تنه وژل شوي او يوه کم عمره ماشومه روغه پاتې شوې ده.
پېښه کې د وژل شوؤ حسن علي او صدف دوه ورځې وړاندې په کراچۍ کې واده شوی او بيرته جېکب اباد ته په لار ؤ چې د پېښې ښکار شو.
پوليس ويلي پېښه د موټر د تيزرفتارۍ له سببه رامنځته شوې ده.
پاکستان کې زياتره ټريفکي پېښې د حساب نه زیات تيز ګاډي چلولو، ماتو يا خرابو سړکونو، په ګاډو کې د حساب نه سېوا وزن اېښودو او ډرائيورانو د غفلت له امله رامنځته کیږي.