د کېنېډا په ټورنټو ښار کې يو تن د سړک په غاړه روانو ګڼو خلکو باندې ګاډی خېژولی ۱۰ تنه يې وژلي او ۱۵ نور يې ټپيان کړي دي.
د کېنېډا پوليسو ويلي په خلکو ګاډي خېژؤنکی ۲۵ کلن تن يې نيولی او د هغه تعلق د ټورنټو د يوې علاقې سره دی.
د ټورنټو د پولیسو مشر مارک ساونډرز ويلي ښکاري چې پېښه قصدا شوې ده.
د عامه خونديتوب وزير رالف ګوډېل ويل د امنيتي چارواکو سره خبرې شوي او د ترلاسه شوؤ مالوماتو په اساس د دې د ملي امنيت سره څه تړاؤ نشته.
د کېنېډا وزیراعظم جسټن ټروډو پېښې ته غمژنه ويلي او د پېښې ښکار خلکو سره يې خواخوږي او عمرازي کړې ده.
هغه ويلي مونږ ټول بايد ځان په خپلو ښارونو او ټولنه کې په ګرځېدو کې خوندي وګڼو.
د امريکا سپينې ماڼۍ ويلي امريکا د کېنېډا د خلکو سره ولاړه ده او د کېنېډا هر ډول مرستې او ملاتړ ته تياره ده.
