لاس رسیدونکی لینک

Breaking News

اشرف غني: چاودنې او ځانمرګي بریدونه د امام اعظم ابوحنیفه طریقه نه ده


د افغانستان جمهور رییس محمد اشرف غني وايي، هره ورځ افغان وګړي قرباني کیږي او دا د هغو کسانو لخوا چې د امام ابوحنیفه د لارې نا خبره دي.

د امام اعظم ابوحنیفه څیړنیز او علمي کنفرانس ته په وېنا کې جمهور رييس محمد اشرف غني ویلي چاودنې اوځانمرګي بریدونه د ابوحنیفه تګ لاره نه ده.

نوموړي وویل "مونږ هره ورځ دې خاوره کې شهیدان ورکوِؤ په دې کې زمونږ بچیان، خویندې ، سپین ږيري اوځوانان شامل دي او لامل یې هغه کسان دي چې په فتنه باندې مشغول دي او دوی د امام ابوحنیفه مکتب نه خبر نه دي او هغه چې دوی یې ترسره کوي د امام په مکتب کې ځای نه لري، چاودنې او ځانمرګي بریدونه د امام اعظم طریقه نه ده او نوموړی د ثبات او بنسټ ایښودونکی دی".

جمهور رییس محمد اشرف غني ویلي، دا مهال اسلامي نړۍ د اطرافیت له ګواښ سره مخامخ ده او پرضد یې اصولي او اساسي اقدماتو ته اړتیا ده.

هغه وویل "اساسي کار به دا وي چې خپل تمدني میراث ته کتنه وشي، د امام اعظم سترعلمي اوفقي میراث ارزښتونوته پام وشي اوله دغو وړتیاؤ څخه د عصر د غوښتونو او شرایطو سره سم دیني مسایلو د تفسیرلپاره ګټه واخلو".

محمد اشرف غني وايي ټولټاکنې ملي او اسلامي پروسه ده اوهغه نظام چې مشروعیت ونه لري او د خلکو د رایو پرمټ نه وي رامنځته شوې د پوښتنې لاندې دی.

نوموړي د امام اعظم ابوحنیفه په علمي کنفرانس کې چې د هیواد لسګونو دیني عالمانو برخه اخیستې وه وغوښتل چې په راتلونکو ټاکنو کې د برخې اخیست لپاره دافغانستان خلک وهڅوي.

همداراز جمهور رییس محمد اشرف غني له دیني علماوو نه هم د دې غوښتنه وکړه چې له فساد سره د مبارزې لپاره ټینګه ملا وتړي او د فساد پرضد د خلکو د پوهې کچه لوړه کړي.

جمهور رییس په داسې حال کې نن دوشنبې د علماو په یوې ستره غونډه کې چاودنې او ځانمرګي بریدونه دفتنې بیلګه وبلله چې د یکشنبې یا اتوار په ورځ د ننګرهار ولایت جلال اباد ښار کې د مستوفیت په ودانۍ ځانمرګي او ډله ییزو بریدونو کې لږ ترلږه ۱۰ ملکي کسان چې د همدې ادارې مامورین اوملکي کسان پکې شامل وو وژل شوي او ۴۵ تنه نورټپیان شوي وو.

د ډله ییزو بریدونو څخه وړاندې لومړی تېره ورځ شاوخو ادولس بجې د موټر بم ځانمرګی برید ترسره شو او وروسته ۸ تنه وسله وال د مستوفیت ودانۍ ته ننوتل د دفترپه کارکوونکو اوعام ولسي خلک یې تربریدونو لاندې راوستل.

جګړه ترپينځه نیمو بجو د افغان امنیتي ځواکونو او وسله والو ترمنځ روانه وه او د۴ ساعته نښتې وروسته د اته ؤ برید کوونکو په وژل کېدو پای ته ورسیده.

دبرید مسولیت داعش ډلې پرغاړه اخیستی دی.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون د جرنلزم د څانګې نه يي د ماسټر ډګري ترلاسه کړې ده.​

XS
SM
MD
LG