لاس رسیدونکی لینک

Breaking News

طالبانو سره د شخړې سياسي حل ته ژمن يو، اشرف غني


ولسمشر اشرف غني

د افغانستان ولسمشر اشرف غني ويلي، "د سولې دپاره په لومړي ځل ملي يو والی رامنځته شوی او مونږ ژمن يو چې د طالبانو سره شخړه د سياسي لارې هواره کړو".

افغان ولسمشر د شنګهايي د سرمشريزې همکارۍ د ۱۸م ناستې په مهال دغه خبرې کړي دي.

نوموړي ويلي، "زمونږ د سولې غېر مشروط وړانديز جامع دی او خوشحاله يو چې پرون طالبانو زمونږ د اوربند اعلان د مرستې په توګه ومانه".

ارګ په ټويټر ليکلي ښاغلي ولسمشر ويلي، "دوېم دا چې مونږ خوشحاله يو چې زمونږ نړيوال همکاران د يو خپلواکه، جمهوري، پرامنه او باثباته افغانستان د ملاتړ مرسته کوي".

نوموړي د امریکا د سويلي اسيا تګلاره د سولې او ثبات د شرطونو برابرولو د بدلون د لوبې په نوم ياده کړې ده.

اشرف غني ويلي مونږ د امنيت په برخه کې د يورپي يونين د سېوري لاندې په کال ۲۰۱۵م کې د برسلز غونډې راجوړولو او همکارانو د ملاتړ مننه کوو.

هغه ويلي مونږ د خپلو خلکو د ژوند ښه کولو دپاره ادارې پياوړي کوو.

افغان ولسمشر ويلي درېمه دا چې مونږ وينو د باثباته افغانستان دپاره سيمه ييزه موافقه راولاړيږي، او هغه د افغانستان د خلکو او دولت په استازيتوب د اقداماتو کولو دپاره د مشرانو مننه کړې ده.

هغه زياته کړې افغانستان د سيمې د توانايۍ د سوداګرۍ دپاره په تندۍ سره په حقيقت بدلیږي او مونږ په اوونيزه کچه په ملي ګرېډ کې پرمختګ کوو.

ولسمشر زياته کړې مونږ د غبن (فساد)، حکومتي عملدارۍ او زمونږ د بشري او طبعي پانګونو د محدوديت په برخه کې د جامع ايجنډې د اصلاحاتو تندولو او په هغې د عمل کولو پلان لرو.

اشرف غني ويلي جمهوريت د خوښې د باروي مشرتابه پورې اړه لري او "مونږد کال ۲۰۱۸م کې د پارليماني او په کال ۲۰۱۹م کې صدارتي انتخاباتو ته په بشپړ ډول ژمن يو".

ولسمشر ويلي د دوي پرمختګ رښتونی دی خو په ډېرو ستونزو کې مخکې قدم اخلي. هغه زیاته کړې د خپلو دفاعي او امنيتي ځواکونو په قربانو حقونه ترلاسه کوي.

اشرف غني ویلي اولس يې چې د مشکلاتو او محروميتونو سره مخ دی سولې، ثبات، جمهوريت اوخوشحالۍ ته ژمن دي.

XS
SM
MD
LG