لاس رسیدونکی لینک

Breaking News

کندهار کې د سړک جوړونکي ۳۳ کارکوونکي تښتول شوي


افغان چارواکو ويلي د پاکستان سره په پوله پرته د افغانستان کندهار صوبه کې وسله والو د سړک جوړونې ۳۳ تنه امنيتي او نور کار کوونکي تښتولي دي.

د کندهار چارواکو ويلي دغه کار طالبانو کړی خو په خپله طالبانو په دغه اړوند لا څه نه دي ويلي.

افغان رسنیو د کندهار د پوليسو له قوله ویلي دغه پېښه تېره شپه د کندهار په سپين بولدک ولسوالۍ کې رامنځته شوې ده.

چارواکو ويلي کارکوونکي او پولیس د سپين بولدک او ښورابک ولسواليو ترمنځ په کار بوخت وو.

د پېښې په اړوند د کندهار د والي وياند داود احمدي امريکا غږ اشنا ته ويلي "تېره شپه یوه نیمه بجه د بولدک او ښورابک ولسوالیو ترمنځ د سړک د جوړونې پر یو شرکت وسله والو طالبانو حمله کړې د شرکت ۲۰ تنه امنیتي کسان ورته تسلیم شوي او وسله والو د هغوی په شمول د سړک جوړونې د شرکت ۱۳ تخنیکي کسان هم له ځان سره یرغمل کړي".

هغه وويل "کله چې پوليس د پېښې پر مهال تر خبریدو وروسته مداخله کوي په نښته کې زموږ څلور پوليس وژل شوي او یوتن مو ټپي دی".

ځينې افغان رسنیو يواځې د ۱۳ کارکوونکو د تښتولو خبر ورکړی دی.

د طالبانو لخوا په دغه اړوند په رسمي ډول کوم بيان مخې ته نه دی راغلی.

XS
SM
MD
LG