لاس رسیدونکی لینک

Breaking News

شوکت یوسفزی: د فاټا ټولې محکمې به د پښتونخوا وزارتونو لاندې راوستل کېږي


د خيبر پښتونخوا د اطلاعاتو وزير شوکت يوسفزي ويلي، په صوبايي کابينه کې د پخوانۍ فاټا ټولې محکمې د خيبر پښتونخوا وزارتونو لاندې راوستلو په اړه وړانديز شوی او د قبايلي سیمو لپاره جوړه شوې صوبائي کمېټه به د فاټا په اړه په وړاندې شوې مسودې (ډرافټ) باندې کار کوي.

په پېښور کې د خيبر پښتونخوا صوبايئ کابينې اجلاس وروسته د اطلاعاتو وزير شوکت يوسفزي خبري غونډې ته وويل، چي د کابينې د غونډې پر مهال د پخوانۍ فاټا ټولې محکمې د پښتونخوا وزارتونو لاندې راوستلو په اړه وړاندیز وشو.

دوی ویل، چي د سيلګرې او لوبو سينير صوبايئ وزير عاطف خان په مشرې کې د قبايلي سیمو د پرمختګ او مالي چارو لپاره کمېټه جوړه شويده او دغه کميټه با د ٖفاټا په اړه وړاندې کړای شوي ډرافت باندې کار کوي.

شوکت يوسفزي وړاندې وويل، چي په صوبه کې د برښنا یا د بجلۍ د پيداوار د زياتولو لپاره د ضلع کوهستان لور سپاټ ګاه په مقام څلورسوه او شپږ نوي ميګاواټ هائيډرو پروجيکټ به شروع کولی شي.

دوی زياته کړه چي د يادې منصوبې په اړه له یوې کوریايي کمپنۍ سره تړون شوی دی او دا منصوبه به يو بيلين ډالر لګښت سره سرته ورسېږي۔

هغوي واضحه کړه چي د منصوبې شپږويشت فيصده برخه به خيبرپښتونخوا حکومت تا ورکول کېږي او پاتې نوره برخه به کورين کمپنۍ اخلي۔

د صوبې په لرو پرتو سيمو کې د خيبر پښتونخوا حکومت لخوا د شروع شويو درې سوه او شپږ پنځوس (۳۵۶) د بجلې پيدا کولو وړو ډيمونو په اړه خبري غونډي ته د اطلاعاتو وزير وويل چي په دوه سوه او شپږپنځوس منصوبو کار بشپړ شوی او دې نه به عام ولس تا وړيا بجلي ورکول شي۔

د اطلاعاتو وزير شوکت يوسفزي دا هم وویل، چي کابينې صوبايئ احتساب کميسن ختمولو منظوري ورکړېده او صوبايئ محکمه انټي کرپشن مضبوط جوړولو لپاره با د احتساب کميسن ټولې اثاثې يادې محکمي تا سپارلې شي۔

هغوي زياتوي، چي په صوبايئ احتساب کميشن کې روان ټول کېسونه او ريفرنسز با انټي کرپشن تا حواله کولې شي۔

XS
SM
MD
LG