لاس رسیدونکی لینک

Breaking News

پېښور کې ژورنالسټ په ډزو وژل شوی


د خېبرپښتونخوا په سر ښار پېښور کې د نامالومو وسله والو په ډزو کې د يو ځايي ټي وي چېنل خبريال نورالحسن وژل شوی دی.

د (رايل) ټي وي خبريال د ګل، دوشنبې په مازيګر د پېښور په رينګ روډ وژل شوی او د هغه سره ملګری کېمره مېن يې ژوبل شوی دی.

په حسن او کېمره مېن يې د ډزو وروسته دوي روغتون ته وړل شوي خو ژورنالسټ هلته ژوند د لاسه ورکړی دی.

د خېبرپښتونخوا د پولیس مشر ايي جي صلاح الدين محسود د پېښې خبر اخيستی او د پوليس نه يې د پېښې په اړوند رپوټ غوښتی دی.

پېښور کې د ژورنالسټانو اتحاديې خېبر يونين اف ژورنالسټس د نورالحسن د وژنې غندنه کړې او د ډزو کوونکو د مالومولو غوښتنه يې کړې ده.

خېبر يونين اف ژورنالسټ ويلي، د خېبرپښتونخوا حکومت د ژورنالسټانو په ساتنه کې پاتې راغلی دی.

د اکتوبر په مياشت کې د خېبرپښتونخوا په هري پور سيمه کې د يوې ځايي ورځپاڼې ژورنالسټ سهېل خان په ډزو وژل شوی ؤ.

پاکستان په نړۍ کې د ژورنالسټانو دپاره په خطرناکو هېوادونو کې شمارل کيږي.

د ملګرو ملتونو د تعليم، سائنس او کلتور ادارې (يونيسکو) د روان کال اګست په مياشت کې په خپل يو رپوټ کې ويلي ؤ، پاکستان کې د کال ۲۰۱۲م نه تر ۲۰۱۶م کال پورې ۳۰ ژورنالسټان وژل شوي دي.

XS
SM
MD
LG