لاس رسیدونکی لینک

تازه خبر

عدالت د عمران خان خور ته د ۲۹.۴ ملينه روپو جرمانې ورکولو امر کړی


د پاکستان د وزيراعظم عمران خان په خور عليمه خان باندې سپريم کورټ جرمانه لګولې او د بهرني جايداد په لړ کې ورته د ۲۹.۴ ملينه روپو ورکولو امر کړی دی.

په عليمه خان تور دی چې په دوبۍ کې يې جايداد درلود او د ټېکس په اسنادو کې يې د هغې يادګېرنه نه وه کړې.

سپريم کورټ د علیمه خان په دوبۍ کې د جايداد لرلو په خبر نوټس اخستی ؤ.

نن د زیارت، پنجشنبې په ورځ په سپريم کورټ د عليمه خان په دوبۍ کې د بې نومه جايداد اورېدنه شوې او د محصولاتو مرکزي ادارې (اېف بي ار) عدالت ته ویلي په عليمه خان د ۲۹.۴ ملينه روپۍ جرمانه او ټېکس دی.

عدالت علیمه خان ته په يوه اوونۍ کې د پېسو جمع کولو امر کړی او ويلي يې دي که هغې پېسې جمع نه کړې د هغې جايداد دې په ولقه کې واخيستی شي.

هغې عدالت ته ويلي، په کال ۲۰۰۸م کې يې په دوبۍ کې د درې لاکه ۷۰ زره ډالرو جايداد اخیستی او په ۲۰۰۸م کې يې خرڅ کړی ؤ.

هغې ویلي د دغه جايداد دپاره یې نيمې پېسې خپلې ورکړي او نيمې يې د بېنک نه قرض کړې وې.

عليمه خان ویلي جايداد یې بيا وروسته خرڅ کړی دی.

د ځايي ميډيا ترمخه اېف بي ار په بهر هېوادونو کې د جايدادونو په اړوند عدالت ته ویلي د ۹۶ نورو پاکستانيانو مالومېدو سره په بهر هېوادونو کې د جايداد لرونکو شمېره ۲۱۵۴ ته رسېدلې ده او په دې شمېره کې يواځې ۱۲۰۸ په متحده عرب اماراتو کې دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG