لاس رسیدونکی لینک

Breaking News

د امریکې د دفاع  وزارت سرپرست په ناڅاپي سفر کابل ته رسېدلی


د امریکې د دفاع د وزارت سرپرست يا موقتي مشر پټ شاناهان په ناڅاپي سفر کابل ته رسېدلی دی، نوموړي نن د ګل، دوشنبې په ورځ دا سفر کړی دی.

د وي او ای د خبر ترمخه نوموړی به په خپل سفر کې د افغان مشرانو او امریکايي پوځي مشرتابه سره ويني.

پټ شاناهان دا سفر په داسې حال کې کړی چې د افغانستان د سولې په اړوند خبرې روانې دي.

په سفر کې ورسره مل خبريالانو سره په خبرو کې د دفاع د وزارت مشر ويلي، هغه غواړي چې د افغان چارواکو سره به د هغه څه په اهميت او ښکېلتيا بحث او ټینګار وکړي چې څه يې په هېواد کې روان دي.

هغه ویلي دا د افغانستان د خلکو پورې اړه لري چې د خپل راتلونکې دپاره په خپله پرېکړه وکړي.

هغه زياته کړې د کابل په سفر کې ورته د امریکايي سرتېرو د کمولو کوم امر نه دی شوی.

د امریکا د دفاع وزارت مشر د کابل سفر په داسې حال کې کړی چې افغانستان د سولې د خبرو دپاره د امریکا ځانګړي استازي زلمي خليلزاد د افغانستان، پاکستان، بيلجئيم، جرمني، ترکي او قطر سفر پېل کړی دی.

د امريکې د بهرنیو چارو وزارت ويلي دا سفر هم د افغانستان د سولې د خبرو د بهير برخه ده.

XS
SM
MD
LG