د پاکستان په سفر کې د سعودي عرب شهزاده ولي عهدمحمد بن سلمان ته د سېنېټ چيئرمېن د پلاوي سره د سرو زور ټوپک او د هغه يو جوړ عکس ډالۍ کړی دی.
محمد بن سلمان د پاکستان د دوه ورځني سفر وروسته پرون د ګل، دوشنبې په ورځ بيرته ستون شوی دی.
جاوېد احمد مير په ټويټر ويلي،
"شهزاده نشان امتياز ورکړی شوی او هغه عزت دی خو ټوپک د څه مقصد دپاره او دا د څه استازيتوب کوي".
مريانه بابر پشتین په ټويټر ويلي،
"ټوپک ولې؟ د سرو زرو ټوپک ولې؟ د پاکستان په استازيتوب کوم بل څيز ورکړی شوی وی".
تېره میاشت د سعودي په سفر کې د سعووي عرب باچا د پاکستان وزيراعظم عمران خان ته هم د سرو زرو کلاشنکوف ورکړی ؤ، او په ټولنیزو رسنيو په هغې هم نیوکې شوې وې.
وينګاس په ټويټر ليکلي ؤ،
"قلم نا، عکس نا، يواځې ټوپک، دا د غېر جمهوري سوچ کار دی".
د سېنېټ چيئرمېن صادق سنجرانه ويلي په پاکستان کې د سعودي عرب پانګونه په نړيواله ټولنه کې د باور څرګندونه ده.
د پاکستان د بهرنيو چارو وزارت ويلي د سعودي عرب د ولي عهد د پاکستان په سفر کې د ۲۱ اربه ډالرو د پانګونو لاسليکونه شوي دي.
د ولي عهد په توګه د محمد بن سلمان د پاکستان دا لومړی سفر ؤ.
