د امريکې د بهرنيو چارو وزارت ویلي، که د هند او پاکستان ترمنځ په روان تاؤ تريخوالي کې "نور پوځي عمليات کیږي نو د حالاتو د اړي ګړي سبب به ګرځي".
د امریکې د بهرنيو چارو وزارت مرستيال وياند رابرټ پلاډينو ويلي، امريکا په پاکستان او هند ټينګار کوي چې د تاؤ تريخوالي راکمولو په موخه ګامونه پورته کړي.
د نهې، سه شنبې په ورځ خبريالانو سره د خبرو په مهال نوموړي وويل،"امریکا ګڼي که نور پوځي عمليات کيږي د حالات خرابېدو سبب به ګرځي".
نوموړي د پاکستان په اړوند ويلي، "د پاکستان نه غوښتنه تکراروي چې د ملګرو ملتونو غوښتنې ومني د ترهګرو ځالې ختمې کړي او د پېسو لارې يې وتړي".
وياند ويلي د امریکې د بهرنيو چارو وزير مايک پمپيو د هند او پاکستان ترمنځ نېغ په نېغه سفارتکاري کړې او د تاؤ تريخوالي کمولو په لړ کې يې رول لوبولی دی.
او په دغه لړ کې يې د هند د بهرنيو چارو وزيرې سشما سوراج اود پاکستان د بهرنيو چارو وزير شاه محمود قرېشي سره يې خبرې کړي دي.
هغه زياته کړې د هنويي د سفارتکارۍ وروسته په لوړ پوړې کچه اړيکې دوام لري او په نوي دهلي او اسلام اباد کې د واشنګټن د سفارتخانو د دغو هېوادونو سره تماس هم شامل دی.
پلاډينو ويلي، ځينې وخت دوي په ښکاره سفارتکاري کوي او کله بيا سفارتکاري په شخصي کچ وي او د نوموړي په وېنا دا وخت شخصي سفارتکاري روانه ده.
د هند لخوا د پاکستان د اېف -۱۶ الوتکې کارولو د ادعا په اړوند هغه وويل داسې رپوټونه يې ليدلي او په غور يې جاج اخلي.
