په اروپا کې مېشته پښتنه پېغله شاعره هما ظفر احمدزۍ وايي، چې غواړم د خپل شعر له لارې پښتنو ښځو، ځوانانو او خپلو وطنوالو ته د مينې او يوالي پيغام ورکړم.
پېغله هما احمدزۍ د جدید ادب په نوي رجحاناتو او د نړیوال ادب په غوښتنو پوهه لیکواله شاعره ادیبه ده، چې د یوې ښځې په حیث یې په خپل لیک کې د خپل جنس پوره پوره نمایندگي کړې ده .
له وي او اې ډیوه سره په ځانګړې مرکه کې هما احمدزۍ وویل، چې د ورکتوب نه د شعر او د قیصو لوستلو سره مینې او شوق په پیغلوب کی هغه د یوې تکړه شاعرې او افسانه نگارې په توگه د اديبانو په ډله کې په خلکو خپله پیژندگلو وکړه خو بيا هم غواړي چې د ادبياتو په څانگه کې خپلې زده کړې په عملي توگه تر سره کړي .
پېغله هما ظفر احمدزۍ د افغانستان د کابل ولايت د خورد کابل سيمې سره تړاو لري ،خپلې لمړنۍ زده کړې يې د کابل د خيرخانې مينې د ښځو په څانگه کې سر ته رسولي دي چې وروسته ملکي اړي گړي پاکستان ته په مهاجرت کولو مجبوره کړه او د مهاجرت په دوران کې یې د خپلو زده کړو په اړه څه نا څه تحصلاتي هڅې په پيښور کې هم تر سره کړي دي. په پیښورکې د میرمن کلتوري ټولنیز بهیر فعاله غړې هم پاتې شوې ده.
د هما احمدزی دوه کتابونه دا محال چاپ شوی چې یو کتاب ؛ ماڼوگله ؛ نومیږي چې د پښتنو ښځو په ژوند او ستونزو لیکل شوی ناولگی دی او دوهم کتاب یی یوه شعري ټولگه ده چې نوم یې دی ؛یم د ریښتيني لاري د یو کاروان په لټون؛ دا کتاب د جدیدي او روایتي شاعرۍ په رنگونو ښایسته کتاب دی او ډیر ژر به یی د افسانو کتاب هم مارکیټ ته راشې چي پکي علامتي او روایتي رنگونو ښایسته افساني شاملي دي.
