لاس رسیدونکی لینک

تازه خبر

هند د پوځي طاقت قوي کولو دپاره د امریکا نه ۲۴ جنګي هيلي کاپټرې اخلي


د امریکا د بهرنيو چارو وزارت په هند د ۲۴ جنګي هيلي کاپټرو خرڅولو منظوري ورکړې ده، د ګڼ اړخیزه عملیاتو توان لرونکو دغو ۲۴ هيلي کاپټرو بيعه نزدې دوه اعشاريه شپږ اربه ډالره ده.

د راپورونو ترمخه د امريکې د دفاع امنيتي همکارۍ ادارې کانګرس ته د دغه بېعې په اړوند سرټيفيکېټ وړاندې کړی دی.

هند د امریکا نه دا ۲۴ هيلي کاپټرې په داسې مهال اخلي چې د پاکستان سره يې اړيکې ترينګلې شوي دي.

د راپورونو ترمخه د MH-60R په نوم دغه هيلي کاپټرې ډېری صلاحيتونه لري.

ويل شوي دغه سودا به د هند او امريکې د سټراټيجيکي اړيکو د لارې د امریکا د ملي امنيت او بهرنۍ پاليسۍ ملاتړ او د غټ دفاعي همکار امنيت سېوا کړي.

د هندي رسنيو ترمخه دا سودا به د هند د هوا او سمندر د لارې د جنګي عملياتو توان سېوا کړي او دا به د ژغورنې او مواصلاتو کار هم ترسره کوي.

ويل شوي د دغو هيلي کاپټرو د لارې به هند د سيمه ييزې خطرو په وړاندې د خپلې خاورې د دفاع قوت نور سېوا کړي او هند به دا په خپل پوځ کې شامل کړي.

تېره مياشت د سويډن يوې څيړنيزې ادارې ويلي ؤ، د کال ۲۰۱۴م نه تر ۲۰۱۸م پورې هند د نړۍ دوېم غټ هېواد ؤ چې د نړۍ په ټوله کې يې نهه اعشاريه پينځه فيصده وسله د بهر هېوادونو څخه اخستې ده.

د پاکستان دولتي رسنۍ د سټاک هوم انټرنيشنل پيس ريسرچ انسټيټيوټ په نوم ادارې د کاليز رپوټ په اړوند په خپور کړي خبر کې دغه شمېرې ښودلې دي.

د یادې ادارې ترمخه د سويلي اسيا دغه هېواد هند د نړۍ په هغو پينځه غټو هېوادونو کې يو دی چې د لسيزو راهسې زياتې وسلې د بهر نه اخلي.

د هند په اړوند تازه شمېرې د کال ۲۰۱۴م نه تر کال ۲۰۱۸م پورې يادې کړی شوي دي.

ادارې ويلي هند ۵۸ فيصده وسله د روس څخه غوښتې او د ۲۰۰۹م نه تر ۲۰۱۳م پورې دا شمېره ۷۶ فيصده وه.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG