په خېبرپښتونخوا کې د پوليو د پينځه نورو پېښو مخې ته راتلو سره په صوبه کې د پوليو ټولې پېښې ۳۱ ته او په ملک کې يې شمېره ۳۷ ته ورسېده.
په خېبرپښتونخوا کې د پوليو د پروګرام رابطه کار دفتر ويلي، د انکاري ميندو پلارانو او د بې غورۍ او ضد له امله پينځه نور ماشومان د پوليو ښکار شوي دي.
ياد دفتر د پوليو د پينځه پېښو پخلی کړی او ویلي يې دي چې دا پينځه نوې پېښې په بنو او تورغر ضلعو کې مخې ته راغلي دي.
د اي او سي دفتر ويلي دغو ماشومانو ته د معمول يوه حفاظتي ټيکه هم نه ده ورکړی شوې.
په ملکي کچه د پوليو ضد پروګرام د شمېرو ترمخه روان کال تر ټولو زياتې د پوليو پېښې د خېبرپښتونخوا په بنو ضلع کې مخې ته راغلي چې شمېره ۱۴ ده.
په دوېم نمبر د تور ضلع ده چې پکې د پوليو پېښې پينځه، څلور په ميران شاه او دوه په ميرعلي کې رپوټ شوي دي.
روان کال د خېبرپښتونخوا د ۳۱ نه علاوه درې پېښې په لاهور کې او درې په کراچۍ کې رپوټ شوي دي.
