د نړیوالې مالياتي ادارې (ايي اېم اېف) مشرې کرسټين ليګارډ د خپلې چوکۍ څخه استعفی ورکړې ده.
هغه به د دې چوکۍ پرېښودو وروسته د يورپي مرکزي بېنک د مشرې چوکۍ سمبالوي.
ليګارډ ويلي د ۱۲ ستمبر نه به یې استعفی عملي وي او زياته کړې يې ده د هغې استعفی د ايي اېم اېف په ګټه ده.
د ليګارډ د استعفی خبر په داسې حال کې مخې ته راغلی چې په وروستيو کې يې د پاکستان دپاره د شپږ اربه ډالرو د پور ورکولو څارنه کوله او په دغه لړ کې يې د پاکستان د وزيراعظم عمران خان سره ليدنې هم شوي دي.
هغه د فرانس د بهرنیو چارو پخوانۍ وزيره پاتې شوې او د ايي اېم اېف لومړۍ ښځينه مشره ده.
نړیواله اداره ايي اېم اېف د دوېم نړیوال جنګ وروسته جوړه کړی شوې وه.