د افغانستان حکومت د پاکستان سره په پوله پرتې صوبې پکتيا کې ملکي وګړو ته د اوختې مرګ ژوبلو د پلټنو امر کړی دی.
په افغانستان کې د ملګرو ملتونو مرستندويه ادارې يوناما ويلي اداره په پکتيا ولايت کې د حکومت پلوه ځواکونو لخوا د اختر په شپو کې د ۱۱ ملکي کسانو د وژنې د رپوټونو اندېښنه ښايي.
يوناما ويلي حساب ورکول ضروري او ملکي وګړو ته زيان رسول بايد ودرول شي.
راپورونه وايي د افغانستان د ملي امنيت شورا د دغو عملياتو د پلټنو کولو ويلي چې ولسمشر اشرف غني يې امر کړی ؤ.
ويل شوي په پېښه کې ککړ کسان به ونيول شي او د قانون منګولو ته به راوستلی شي.
د ملي امنيت شورا په ۱۲م اګست په ټویټر ويلي ؤ د ملي امنيت ځانګړو ځواکونو د پکتيا د زرمت ولسوالۍ په کولالګو کې د طالبانو پرضد عمليات کړي اود ۱۱ ترهګرو د وژلو ادعا يې کړې او د دوي نه یې په زياته شمېره کې د وسلې ترلاسه کولو ويلي ؤ.
د جولايۍ د میاشتې په وروستيو کې يوناما ویلي ؤ د روان میلادي کال د جنوري له لومړی نیټې څخه د جولايې د میاشتې ترپایه پورې د ناامنیو په پېښو کې ۱۳۶۶ کسان وژل شوي او ۲۴۶۶ ولسي وګړي ټپیان شوي دي.
د ملګرو ملتونو ادارې ویلي د ولسي وګړو په مرګ ژوبله کې ۳۸ سلنه طالبان ښکېل دي، ۱۱ سلنه داعش ډله او ۳سلنه یې نامعلوم وسله وال لاس لري.