لاس رسیدونکی لینک

Breaking News

امریکا سعودي عربستان ته نوي سرتیري استوي


واشنګټن: د امریکا د دفاع وزارت یا پېنټګان د جمعې په ورځ خبر ورکړی چې د امریکا ولسمشر ډانلډ ټرمپ د سعودي عربستان د هوايي ځواک د ملاتړ لپاره د امریکايي ځواکونو له استولو سره موافقه وکړه.

د رویټرز خبري ادارې د راپور له مخې، په یوې مناسبې اندازې سرتیري به وګمارل شي او دفاعي بڼه به ولري.

اسوسېټېد پرېس خبري اداره لیکي، چې دغه نوي امریکايي سرتیري سعودي عربستان او عربي متحده اماراتو ته استول کېږي.

د امریکا لوی درستیز جنرال جوزیف ډنفورډ ویلي دي، چې ددغو سرتیرو شمېره به زرګونو ته و نه رسېږي خو بیا یې هم نور جزیات نه دي ورکړي.

سعودي عربستان او عربي متحده اماراتو ته د نویو امریکايي سرتیرو د استولو دغه خبر یوه اونۍ وروسته له هاغې رامنځ ته شو چې د سعودي عربستان د تېلو په چاڼځایونو باندې برید وشو او د یمن هوسي یاغیانو یې پړه په غاړه واخېستله.

امریکايي چارواکي ددغو بریدونو تر شا د ایران لاس بولي خو ایران دغه تورونه نه مني.

XS
SM
MD
LG