د امریکې په ټېکساس رياست کې د هېرس کاؤنټۍ لومړی سيک مرستيال پوليس مشر سنديپ سينګ بهاليوال په ډزو وژل شوی دی.
د پوليس د ابتدايي مالوماتو ترمخه يو سپين پوستی تن چې د زندان نه په پېرول ازاد ؤ، د ټريفک په قانون ماتولو پوليس افسر هغه ودرولو او هغه پرې بيا ډزې کړي دي.
ويل شوي دغه تن چې پوليس افسر يې په ډزو ويشتی دی د شل کاله بند سزا ورته اورول شوې او په وروستیو کې په پېرول کې ازاد کړی شوی ؤ.
د وژل شوي پوليس افسر يو ملګري مظفر صديقي ويلي د جمعې په ورځ پوليس افسر بهاليوال په ډيوټۍ موجود ؤ او د ټريفک د قانون د سرغړونې په شک کې يې دغه تن ودرولی او چې څنګه ورله پوليس افسر اسناد کتل هغه پرې د شاته نه په سر ډزې کړي دي.
ډزې کوونکی تورن تن د موقعې څخه تښتېدلی او وروسته د لګېدلې کېمرې په پېژندګلو هغه يواځې په شلو دقيقو کې نيول شوی ؤ.
د امريکې د هېوسټن ښار ابادي نزدې ۲۵ لاکه ده او د ریاست ټېکساس په دې ښار کې د پاکستان او هند په ګډون د بهرنو هېوادونو اوسېدونکي ژوند کوي.
