لاس رسیدونکی لینک

Breaking News

په خېبرپښتونخوا کې د پوليو څلور نورې پېښې مخې ته راغلي، پاکستان کې شمېره ۹۸ ته ورسېده


په خېبرپښتونخوا صوبه کې د پوليو رنځ څلور نورې پېښې مخې ته راغلي چې ورسره يواځې په دې صوبه کې د پوليو شمېره ۷۲ او پاکستان کې ټوله شمېره ۹۸ ته ورسېده.

د خېبرپښتونخوا د پوليو د مخنيوي د پروګرام د چارواکو په وېنا د پوليو تازه پېښې د صوبې په لکي مروت او ټانک ضلعو کې مخې ته راغلي دي.

چارواکي وايي په لکي مروت کې د پوليو درې او ټانک کې يوه پېښه رپوټ شوې ده.

د خېبرپښتونخوا لکي مروت او بنو هغه ضلعې دي کومې چې د پوليو په اړوند تر ټولو زياتې اغېزمنې دي، په بنو کې تراوسه پورې د پوليو ۲۴ او لکي مروت کې ۲۲ پېښې مخې ته راغلې.

د لکي مروت مرستيال کمشنر نورالامين وايي په علاقه کې دوی ته په ځينو سيمو کې ماشومانو ته د څاڅکو ورکوؤنکو ښځينه کار کوونکو ستونزه ورپېښه ده.

وي او ای ډیوه سره په خبرو کې هغه وويل د دوی سره په علاقه کې ښځينه کار کوونکې شته چې کورونو ته دننه ځي او ماشومانو ته د پوليو ضد څاڅکي ورکوي خو ځينې لرې پرتې علاقې داسې دي چې هلته بيا ښځې کار کوونکې نشته.

د دې پوښتنې چې د ۲۴م اګست نه وروسته په لکي مروت او نورو جنوبي ضلعو کې د پوليو د پېښې مخې ته راتلو وروسته بېړنی کمپاين بيا ولې نه دی شوی؟ .

په ځواب کې امين وويل چې دوی د لوړ پوړو چارواکو سره دا خبره کړې خو ورته ويل شوي چې دوی دې په انکاري ماشومانو زياته پاملرنه وکړي.

ځانګړې ویډیوګانې

د سوات د سیند په غاړه جشن سوات
please wait

No media source currently available

0:00 0:02:16 0:00

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG