د افغانستان د غزني صوبې په قره باغ ضلع کې وسله والو طالبانو د سیمه ييز پوځ ۲۵ سرتيري وژلي دي.
د غزني چارواکو وي او ای اشنا ته پخلی کړی چې دا پېښه تېره شپه شوې طالب وسله وال راغلي او د پوځ په ځايي سرتېرو يې بريد کړی دی.
د قره باغ ولسوال غلام حبيب ويلي طالبانو د سرتيرو وسلې او نور سامانونه هم د ځان سره وړلي دي.
طالبانو د بريد زمه واري منلې او د ۳۲ عسکرو د وژلو دعوه يې کړې ده.
د راپورونو ترمخه په غزني کې پرون هم د سړک غاړې يو بم چاؤدنه شوې او لس تنه ملکي وګړي پکې وژل شوي وو.
چارواکو دغه کار هم د طالبانو په زمه ګرځولی ؤ.
د طالبانو لخوا په افغانستان کې دا عمليات په داسې حال کې دوام لري چې د افغانستان د سولې په لړ کې د امريکا او طالبانو ترمنځ د سولې خبرې بيا پېل شوې وې خو د طالبانو د بريدونو وروسته دغه پېل شوې خبرې بيا ځنډېدلي دي.
