لاس رسیدونکی لینک

Breaking News

په پاکستان کې د جبري بې درکه خلکو وکیل په جبري توګه له خپل کوره تښتول شوی


واشنګټن ـــ د انعام الرحیم په نامه د پاکستان هغه وکیل د پنجاب د راولپینډۍ ښار له چاوڼۍ څخه له خپل کوره تښتول شوی چې د امنیتي ځواکونو له خوا په غیرقانوني توګه د نیول شویو او جبري بې درکه کسانو مقدمې یې چلولې.

د هغه زوی حسنېن انعام وایي، د ګل- دوشنبې په شپه یې ګڼ شمېر وسلوالو کسانو په ساده جامو کې د کور دروازه ور وټکوله، کله چې دوی ور ورته پرانیست نو هغوی په زوره کور ته ور ننوتل، د ده پلار یې په زوره موټر ته کش کړ او له ځانه سره یې بووت.

د انعام الرحیم زوی په څرګنده د چا نوم وا نه خیست چې د پلار د تښتونې تر شا یې څوک دي، خو وایي کېدای شي د هغه ځینې پخواني ملګري یې پکې لاس ولري. حسنېن وایي پلار یې یو وکیل او پخوانی پوځي افسر وو او هیچاته هم خطر نه وو:

"موږ تر اوسه د سرګردانۍ په حالت کې یو، زموږ کورنۍ هم په ویره کې ساتل شوې وه چې زما د پلار د تښتونې په وخت چاته د مرستې ږغ ونه کړو".

حسنېن انعام- چې په کالج کې استاد دی- وایي د پلار د تښتونې په ضد یې پولیسو ته خبر ورکړی چې مقدمه درج کړي خو د پینډۍ پولیسو تر اوسه د هغه د تښتونې په ضد د مقدمې درج کولو خبر نه دی ورکړی.

د راولپینډۍ د پوټوهار سیمې د پولیسو یو مشر سیدعلي وایي دوی ته د وکیل کرنل انعام د تښتونې په اړه هیڅ درخواست نه دی ورکړل شوی. تر اوسه هیڅ حکومتي چارواکي د انعام الرحیم د تښتونې په اړه څه نه دي ویلي.

انعام الرحیم د پاکستان پر امنیتي ځواکونو وخت په وخت تنقیدونه کول او په وروستیو کې یې د هغو ګڼ شمېر کسانو وکالت یې کړی چې د دې هېواد پوځي استخبارتي ادارو نیولي وو.

وکیل انعام الرحیم ویلي وو چې د جبري بې درکه او په غیرقانوني توګه د نیولو شویو کسانو د مدافع وکیل په توګه مخکې هم امنیتي ادارو ورته ګواښونه کړي دي.

تښتول شوي وکیل په 2012م کال کې عدالت ته د پیپلز ګوند د دې اقدام په ضد درخواست ورکړی وو، چې غوښتل یې د هغه مهال د پوځي مشر جنرل اشفاق پروېز کیاني د کار موده درې کاله نوره و غزوي.

انعام الرحیم په داسې وخت کې تښتول شوی چې د تېرې نهې- سه شنبې په ورځ د بشري حقونو مبارزینو او د مدني ټولنې فعالینو په اسلام اباد کې د بشري حقونو د نړیوالې ورځې په مناسبت مظاهره کړې وه او له حکومته یې د هغو کسانو د خوشي کولو غوښتنه کړې وه چې د دوی په وینا په وروستیو کلونو کې امنیتي ځواکونو "په جبري توګه بې درکه" کړي دي.

که څه هم د پاکستان حکومت دا ډول تورونه تل رد کړي، خو ځینو چارواکو په غیررسمي توګه دا منلې چې د دې هېواد استخباراتي ادارو مشکوک کسان په بند کې ساتلي چې وایي شمېر یې معلوم نه دی.

ځانګړې ویډیوګانې

د سوات د سیند په غاړه جشن سوات
please wait

No media source currently available

0:00 0:02:16 0:00

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG