لاس رسیدونکی لینک

Breaking News

اسرايل وايي ايران سږ کال ايټم بم جوړولی شي


د اسرايل د پوځ استخباراتو ويلي د ايران سره به د دې کال د اخرې پورې د ايټم بم جوړولو دپاره پوره افزوده يورينيم وي. خو د اسرايل وزيراعظم بنيامين نېتن ياهو ويلي ايران به ايټمي قوت جوړېدو ته نه پرېږدي.

د اسرايل پوځي څيړنکار وايي د ايران سره به د ۲۰۲۰ د اخرې پورې دومره افزوده يورينيم وي چې د ايټمي بم جوړولو دپاره پکار وي.

دا څرګندونې په داسې حال کې شوي چې د امریکا او ايران ترمنځ تريخوالی د جګړې تر حده رارسېدلی دی.

امریکا په کال ۲۰۱۸م کې د ايران سره د نړیوالو قوتونو د ايټمي تړون څخه جدا شوې او د اسرايل څيړونکي وايي ايران به د ايټمي بم جوړولو هڅې بيا پېل کړي.

د ايران صدر حسن روحاني په ۱۶م جنورۍ په ټيلي ويژن وېنا کې ويلي ؤ چې ايران د کال ۲۰۱۵م د جوهري تړون وروسته زيات يورنيميم افزوده کوي څومره چې په تړون کې ټاکل شوي وو.

هغه ويلي ؤ په ايران فشار دی خو دوی مخ په وړاندې روان دي.

د اسرايل استخباراتي چارواکو ويلي دوی د شمېرو په حساب خپله اندازه لګوي چې ۹۰ فيصده افزوده ۴۰ کيلو يورينيم د يو ايټم بم جوړولو دپاره پوره وي.

ايران څو مياشتې مخکې ويلي ؤ چې اوس ځان د جوهري بم د تړون پابند نه ګڼي او د يورينميو د افزوده کولو په هڅو کې به سېوا والی کوي.

د اسرايل وزيراعظم نېتن ياهو ويلي اسرايل خبر دی چې د ايران د ايټمي پروګرام سره څه روان دي خو اسرايل به ايران دې ته نه پرېږدي چې ايټمي وسله ترلاسه کړي.

نېتن ياهو په يورپي هېوادونو ټينګار کړی چې د جوهري تړون ماتولو په سر په ايران نوي بندېزونه ولګوي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG