لاس رسیدونکی لینک

Breaking News

طالبانو په قطر کې د زلمي خليلزاد ترڅنګ د سکاټ ملر سره لیدلي دي


طالبانو ويلي، په قطر کې يې د افغان سولې دپاره د امریکا د ځانګړي استازي زلمي خليلزاد ترڅنګ په افغانستان کې د امریکا او نړيوالو ځواکونو د مشر جنرل سکاټ ملر سره ليدلي دي.

په قطر کې د طالبانو د مذاکراتي ډلې وياند سهېل شاهين په ټويټر ويلي، نن (د نهې، سه شنبې) په ماښام د ملا برادر، شیر محمد عباس ستانکزي او مولوي امیرخان متقي، له ډاکټر زلمي خلیلزاد او جنرال سکاټ میلر سره لیدلي او دواړو طرفونو د راتلونکو اقداماتو په اړه تفصیلي خبرې کړي دي.

شاهين ویلي، د مذاکراتي ټیمونو ګډې ناستې به سبا (نن د شورو، چهارشنبې په ورځ) دوام ولري.

د وي او ای اردو د خبر ترمخه پخواني افغان څارنوال مولوي جلال الدين شينواري وي او ای ته ويلي چې د دواړو ډلو ترمنځ په خبرو کې د سولې د تړون د نېټې او ځای په اړوند خبرې شوي دي.

هغه ويلي د سولې د تړون په غونډه کې به د سیمې هېوادونه او په دې عمل کې شامل سهولت کارو ته بلنه ورکولی شي.

پينځه ورځې وړاندې شاهين ويلي ؤ، د امریکايي مذاکراتي ټيم سره یې ليدلي او "د توافقنامې د لاسلیک او اړوند مراسمو په هکله یې خبرې کړې دي".

افغان دولت له دغې ناستې وروسته ويلي ؤ چې د جګړې د ختمېدو دپاره په افغانستان کې اوربند نه وي اعلان شوی د سولې تړون به کومې نتيجې ونه لري.

دا تازه پرمختګونه په داسې حال کې روان دي چې په وروستيو کې پاکستان ویلي طالبانو خوښي څرګنده کړې چې په افغانستان کې د تشدد لړۍ راکمه کړي.

په عېن حال کې د سویلي اسيا دپاره د امریکا د بهرنيو چارو د وزارت استازې اېلس وېلز د پاکستان په سفر ده او د امریکا صدر ډانلډ ټرمپ د سویټزرلېنډ په ډېووس ښار کې د پاکستان د وزیراعظم عمران خان سره ليدلي، د افغانستان، تجارت او کشمير ترڅنګ یې ورسره په اړونده نورو موضوعاتو خبرې کړي دي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG