لاس رسیدونکی لینک

تازه خبر

سعودي عرب په پينځه کاله کې د دوه لاکه ۸۵ زرو نه زيات پاکستانيان شړلي دي


د پاکستان د بهرنيو چارو وزير شاه محمود قرېشي ويلي، سعودي عرب د کال ۲۰۱۵ نه تر ۲۰۱۹م پورې دوه لاکه ۸۵ زره او ۹۸۰ پاکستانيان په بېلابيلو علتونو بيرته را شړلي دي.

د پاکستان د سرکاري خبري ادارې (ای پي پي) ترمخه قرېشي د جمعې په ورځ سېنېټ ته په وېنا کې ويلي، سعودي عرب چې کوم پاکستانيان راشړلي، دوی د استوګنې د كارډ مودې ختمېدو، بغېر اجازت نه د حج كول، غلا كولو، د نشه يي توكيو ساتلو او د خپل وخت نه د زیاتې مودې پورې پاتې کېدو له سببه راويستل شوي دي.

د سېنېټ غونډې ته ويل شوی چې په کال ۲۰۱۵م کې د رياض او جدې ښارونو څخه نزدې ۶۲ زره، په ۲۰۱۶م کې د ۷۲ زرو نه سېوا، په ۲۰۱۸م کې نزدې ۵۷ زره او په ۲۰۱۹م کې نزدې ۳۶ زره پاکستانيان راویستل شوي دي.

د کال ۲۰۱۹م په فرورۍ کې د پاکستان تحریک انصاف حکومت ويلي ؤ د سعودي عرب وليعهد محمد بن سلمان يې خواست منلی چې په سعودي عرب کې بنديوان ۲۱۰۷ پاکستانيان به په سمدستي ډول خوشي کوي.

خو د سېنېټ په غونډه کې په دغه اړوند څه نه دي ويل شوي او نه په رپوټ کې دا ويل شوي چې دا وخت په سعودي عرب کې څومره پاکستانيان دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG