په امريکا کې کرونا وايرس وهلې لمړۍ ناروغه ښځه مړه شوې او صدر ډانلډ ټرمپ په سياستوالو او رسنیو غږ کړی چې د ويرې هيڅ خبره نشته.
صدر ټرمپ ویلي که حالات هر څنګه وي دوی ورته تيار دي.
په امریکا کې د کرونا څخه د لمړۍ مړينې وروسته امریکا په ايران سفري بندېز اعلان کړی او ترڅنګ يې د اټلي او جنوبي کوریا د ځینې برخو د سفر په اړوند خبرداری هم ورکړی دی.
د نوؤ بندېزونو اعلان مرستيال صدر مايک پنس کړی دی.
هغه ويلي په امریکا کې د کرونا ۲۲ پېښې مخې ته راغلي دي او نورې پېښې هم رپوټ کېدی شي.
صدر ټرمپ ويلي د مېکسيکو په پوله هم بندېزونه لګولی شي او دوی د ټولو پولو په اړه فکر کوي.
د امريکې د روغتيا او انساني خدمتونو د محکمې وزیر الېکس ازار ويلي د هغو سيمو د سفر څخه دې ډډه وشي چرته چې د کرونا وايرس شتون لري دا غوره تګلاره ده.
د راپورونو ترمخه په امریکا کې د کرونا وايرس په ۶۰ کسانو کې پخلی شوی دی.