لاس رسیدونکی لینک

Breaking News

امریکا: ایران، چین او وېنزویلا کې له بشري حقونو تېری کېږي


د امریکا متحده ایالاتو په نړۍ یو شمېر هېوادونه په دې تورن کړي دي چې د خلکو له بشري حقونو څخه څرګنده سرغړونه کوي.

ایران:

د امریکا لخوا په نړۍ کې د بشري حقونو په اړه په خپور شوي راپور کې راغلي دي، چې په ایران کې وروسته له هاغې په تېر نومبر کې پراخ لاریونونه وشول کله چې د تېلو بیې پورته شوې خو د تهران حکومت کابو یوه اونۍ ټولې کورنۍ او نړیوالې انټرنیټي شبکې وتړلې.

د امریکا د بهرنیو چارو وزارت ویلي، د ایران رژیم ددغو لاریون کونکو په وړاندې مرګونې وسلې وکارولې چې د رسنیو د راپورونو له مخې پکې ۱۵۰۰ کسان ووژل شول او ۸۶۰۰ نور یې بندي کړل.

د امریکا د بهرنیو چارو وزارت دا هم ویلي، چې هېڅ داسې شواهد نشته چې ګواکې حکومتي ادارو دې د وژل شویو لاریون کونکو په اړه خپلواکې پلټنې کړې وي.

د امریکا لخوا د بشري حقونو په اړه په دې راپور کې وړاندې راغلي دي، چې په ایران کې د داسې جرمونو له امله هم خلک په مرګ محکوم کېږي چې له نړیوالو حقوقي معیارونو سره نه دي برابر.

امریکا دا هم ویلي، د ایران حکومتي چارواکو همدارنګه په سوریه، عراق او یمن کې د بشري حقونو له تېریو سره مرسته کړې ده ځکه چې ایران په سوریه کې د بشار الاسد له رژیم او ایران پلوو ملیشو ډلو سره مرسته کوي.

چین:

د چین په اړه په دې راپور کې راغلي دي چې د چین کمیونیست ګوند په سینکیانګ ایالت کې د ایغور مسلمانانو د ډلیزو نیولو او ځورولو یادونه شوې.

د امریکا د بهرنیو چارو وزیر مایک پمپیو د شورو یا چهارشنبې په ورځ د یوې خبري غونډې پر وخت وویل:

"په چین کې کمیونیسټ ګوند د خپلو مخالفینو د څارلو لپاره له پرمختللي سیستم څخه کار اخلي. دوی مذهبي اقلیتونه په ځانګړو کمپونو کې بندیان کوي."

د امریکا د بهرنیو چارو د وزارت په دې راپور کې راغلي دي، چې په چین کې تر یو میلیون زیات ایغوریان، قزاق، کرغېز او نور مسلمانان په ځآنګړو کمپونو کې بندیان شوي دي تر څو د هغوي مذهبي او نژادي پېژندګلو ترې پاکه کړي.

په راپور کې دا هم راغلي، چې واشنګټن دا هم موندلي دي چې په چین کې د بشري حقونو د تېري په مسلو کې بي قانونه وژنه، په زور بې درکه کول، د حکومت لخوا بندي کول، د ژورنالستانو، وکیلانو، لیکوالانو، بلاګرانو، مخالفینو او د هغوی د کورنۍ د غړو په وړندې بریدونه او شمالي کوریا ته د پناه غوښتونکو په زور د استولو مسلې شاملې دي.

سعودي عربستان:

د امریکا د بشري حقونو په دغه راپور کې د جمال خاشقجي د وژنې د نه شفافیت په اړه اندېښنې څرګندې شوې دي.

"د جمال خاشقجي وژنه د نه منلو یو جرم دی. مونږ په دې اړه د سعودي له مشرتابه سره خپلې اندېښنې شریکې کړې دي. په دې اړه زمونږ دریځ نه دی بدل شوی."

په راپور کې دا هم راغلي دي، چې د سعودي حکومت په ګڼو کیسونو کې چارواکو ته چې په بشري تېریو باندې تورن شوي سزا نه ده ورکړې او یو ډول معافیت لري.

د بیلګې په توګه د خاشجقي له وژنې وروسته محکمې پنځو چارواکو ته د مرګ او درې نورو ته د بند سزا ورکړه.

محکمې وویل، چې د درې نورو کسانو په اړه ګناه نشي ثابت کېدای.

وینزویلا:

په راپور کې راغلي دي چې په وینزویلا کې په سیاسي ګډون او د بیان په ازادۍ باندې محدودیتونه لګېدلي.

"د بیلګې په توګه له یوې لسیزې څخه د زیات وخت راهیسې سیاسي واک یوه واحد ګوند سره دی او ټولواک حکومت یې په قضا، د خلکو په واک او په ټاکنیزو څانګو باندې کنټرول لري.

د امریکا د بهرنیو چارو وزارت وايي، د ولسمشر په توګه د نیکالوس مدورو بیا ټاکل کېدل نه ازاد وه او نه مناسب بلکه په ژوره توګه د درغلیو له لیارې وو.

په راپور کې دا هم راغلي دي چې په وینزویالا کې په غیر قانوني توګه د امنیتي ځواکونو لخوا د خلکو وژنه، په زور بې درکه کول، د امنیتي ځواکونو لخوا د خلکو شکنجه کول، بندي کول او داسې نور جرمونه شته.

راپور زیاتوي، د مدورو په حکومت کې د بیان او رسنیو په ازادیو باندې محدودیتونه لګېدلي او ځینې شخصي ټي وي ګان، راډیو ګانې او داسې نوروې رسنۍ یې تړلې دي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG