لاس رسیدونکی لینک

Breaking News

سوات: د ژورنالسټ په ساتنه مامور پوليس وژل شوی


د خېبرپښتونخوا په سوات ضلع کې د يو ځايي ژورنالسټ په ساتنه مامور پوليس نامالومو وسله والو په ډزو وژلی دی.

د چارواکو په وېنا د سوات د ځايي ژورنالسټ شيرين زاده سره پوليس سرتيری عمران خان د ساتنې په ډيوټۍ ؤ او هغه تېره شپه په کانجو کې نامالومو کسانو په هدف کړی دی.

پوليس وايي عمران د شيرين زاده سره تر کوره پورې تللی او بيا ماسخوتن بیرته خپل کور ته په لار ؤ چې ډزې پرې شوي او وژل شوی دی.

شيرین زاده په خپله هم په خپله ساتنه د مامور پوليس د وژنې خبر ورکړی او ويلي يې دي هغه نن خاورو ته سپارل شوی دی.

د پولیس سرتيري د وژنې زمه واري چا نه ده منلې خو پولیس وايي دا هدفي وژنه ده.

په سوات کې ژورنالسټان وايي چې د څو ژورنالسټانو سره اوس هم پوليس د ساتنې په ډيوټۍ دي.

ځايي خلک وايي په وروستيو کې د دغه ډول پېښو رامنځته کېدو يو ځل بيا د سوات په خلکو کې ويره ترښه خوره کړې ده.

تېره مياشت د سوات د مټې تحصيل په شکر دره کې د يو ځايي خبريال حميدالله خان ورور جاوېدالله خان چې ځايي سياستوال ؤ هم وژل شوی ؤ.

د دسمبر په مياشت کې په کانجو سیمه کې د مسلم ليګ ن سره تعلق لرونکی وکيل فېروز شاه هم نامالومه کسانو په ډزو وژلی ؤ.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG